თეატრალურ უნივერსიტეტში განვითარებულ მოვლენებს სინდისის პატიმარი ანდრო ჭიჭინაძე ციხიდან ეხმიანება. 

დიდი ხანია თავს ვიკავებ განცხადების გაკეთებისგან. დაჭერის დღიდან, რადგან ყოველთვის ვერიდები "ღია დაპირისპირებაში შესვლას", ვაპირებდი გიორგი შალუტაშვილთან დალაპარაკებას გამოსვლის შემდეგ. კითხვები მქონდა იმასთან დაკავშირებით, თუ როგორ ექცევიან ჩემს მეგობრებს, ღირსეულ ადამიანებს! 

რასაც აკეთებენ მთელი ამ დროის განმავლობაში, სრულიად მიუღებელია! არის და აქამდეც იყო! განსაკუთრებით იმ ადამიანისგან, რომელმაც საბჭოთა კავშირის დროს გაბედა და დაუპირისპირდა სისტემას! ყველაფერს თავი რომ დავანებოთ, კარგი და საპატივცემულო ურთიერთობა მქონდა მასთან. აქ ეს ბოლო ხარისხოვანია! წითელი ხაზია, როცა პრინციპულ, ერთგულ, თავისუფალ ადამიანებს ასე ექცევი!!! 

პოლიციას გამოუძახე?! ვისთვის?! ჩემთვის ყველა კითხვას პასუხი გაეცა! 

იმედია, აღარასოდეს შევხვდებით და შოთა რუსთაველის სახელობის თეატრის და კინოს უნივერსიტეტი გახდება ღირსეული სივრცე!!!, - წერს ანდრო ჭიჭინაძე. 

შეგახსენებთ, რომ თეატრალური უნივერსიტეტის რექტორმა პროტესტში მყოფი სტუდენტები ჯერ შენობოდან პოლიციის დახმარებით გააძევა, შემდეგ კი გაირკვა, რომ ახალგაზრდებს ეთიკის კომისიას სტუდენტის სტატუსი შეუწყვიტა.  

ავტორი: ექსპრესნიუსი,

სოციალური ქსელები

ტრამპი: თუ ირანი გარიგებას არ დათანხმდება, ყველა ელექტროსადგურს და ხიდს დავანგრევთ

ბერი ნიკოლოზი (ნარიმანი) გარდაიცვალა

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა