ცხელ ხაზზე შემოდის ასობით ზარი, ადამიანები ითხოვენ შველას, პირველადი საჭიროების ნივთებს, საკვებს, მედიკამენტებს, სახლების დანგრევის ეშინიათ. ეს სამწუხაროდ იმის ბრალია, რომ ხელისუფლება მზად არ იყო სტიქიისთვის, დააგვიანა რეაგირება, - ამის შესახებ კოალიცია “ძლიერი საქართველოს” წევრმა გიორგი სიორიძემ განაცხადა.

მისივე თქმით, გურიაში სოფლები გარესამყაროს არის მოწყვეტილი და ოზურგეთის ცენტრშიც კატასტროფული მდგომარეობაა.

„წარმოუდგენელი სტიქიაა გურიაში. როგორც ამბობენ, მსგავსი რამ მოხდა 40 წლის წინ. ახლა, პარალიზებულია მთელი რეგიონი, სოფლები გარესამყაროს მოწყვეტილია. ოზურგეთის ცენტრშიც კატასტროფული მდგომარეობაა. ბაზარიც ჩანგრეულია.

იცით, „ძლიერმა საქართველომ“ საგანგებო შტაბი შევქმენით, ცხელ ხაზზე შემოდის ასობით ზარი, ადამიანები ითხოვენ შველას, პირველადი საჭიროების ნივთებს, საკვებს, მედიკამენტებს, სახლების დანგრევის ეშინიათ. სამწუხაროდ, ეს იმის ბრალია, რომ ხელისუფლება მზად არ იყო სტიქიისთვის, დააგვიანა რეაგირება, ეს უმოქმედობა არის დანაშაულებრივი, რაც პასუხისგების საფუძველია. ცინიკურად ამბობდნენ: „რა სტიქია, თოვლი მოვიდაო“. საბედნიეროდ, ბევრი მოხალისე დაირაზმა და მოემართებიან აქ, მათ შორის მთამსვლელები. ჩვენი საგანგებო შტაბი ყველაფერს აკეთებს კოორდინაციისთვის, კონტაქტი გვაქვს სხვადასხვა ჯგუფთან, მაქსიმალურად ვეხმარებით მოსახლეობას იქნება ეს პირველადი სამედიცინო დახმარება თუ სხვადასხვა სახის მედიკამენტის, საკვების მიწოდება, ცოცხალი ძალის გაგზავნა რთულ ადგილებში. მადლობა იმ ადამიანებს ვინც სოლიდარობა გამოიჩინეს და გურიისკენ ჩამოდიან, მთელი დღე ვიქნებით მათთან მუდმივ კოორდინაციაში. მოსახლეობას დავეხმარებით პირველადი პრობლემების მოგვარებაში, მათი სიცოცხლე და ჯანმრთელობა რომ გადავარჩინოთ“,-აღნიშნა სიორიძემ.

ავტორი: ექსპრესნიუსი,

სოციალური ქსელები

ბულგარეთის ყოფილი პრეზიდენტი რუმენ რადევი საპარლამენტო არჩევნებში ლიდერობს

ჰორმუზის სრუტეში აშშ-მ ირანის კუთვნილი ტანკერი დააკავა, ირანმა სამხედრო გემებზე დრონებით თავდასხმა განახორციელა

უკრაინამ ერთ კვირაში მეორედ დაარტყა რუსეთის ერთადერთ ნავთობგადამამუშავებელ ქარხანას შავ ზღვაზე, ერთი ადამიანი დაიღუპა.

ღმერთია და ექიმი არ სჭირდებაო - ნარიმან მაქარაშვილთან, მისი თაყვანისმცემლები ექიმს არ უშვებდნენ -ვიდეო