სერგეენკო ქადაგიძეზე: შთაბეჭდილება დამრჩა, რომ რიგი აქცენტები აშკარად ზედმეტად ჰიპერტროფირებულად იყო გაკეთებული

2016-02-17 12:19:44, 1021 ნახვა

კომენტარი

ისეთი შთაბეჭდილება დამრჩა, რომ რიგი აქცენტები აშკარად ზედმეტად ჰიპერტროფირებულად იყო გაკეთებული, - ამის შესახებ შრომის, ჯანმრთელობის და სოციალური დაცვის მინისტრმა დავით სერგეენკომ სამინისტროების შემცირებასთან დაკავშირებით, ეროვნული ბანკის პრეზიდენტის გიორგი ქადაგიძის გუშინდელ განცხადებასთან დაკავშირებით განაცხადა.

მისი თქმით, ცალკეული უწყების გაუქმებით ბიუჯეტი გაცილებით ნაკლებ დანაზოგს მიიღებს, ვიდრე ქადაგიძე ვარაუდობს.

„სამინისტროების შემცირება კომპლექსური საკითხია. მე შემიძლია მაგალითისთვის გითხრათ, რომ ერთ-ერთი სახელმწიფო მინისტრის ბიუჯეტი წელიწადში არის მილიონი და თუ მთლიანად შევკვეცავთ, გავქრობთ, ანულირებას გავუკეთებთ უბრალოდ ერთი მილიონი დაიზოგება და არა ასი მილიონი, როგორც ბატონმა ქადაგიძემ თქვა. შესაბამისად, მე სრული ანალიზი გამიჭირდება, მაგრამ ისეთი შთაბეჭდილება დამრჩა, რომ რიგი აქცენტები აშკარად ზედმეტად ჰიპერტროფირებულად იყო გაკეთებული", - განაცახადა ჯანდაცვის მინისტრმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან