2023-12-07 16:56:49, 1113 ნახვა

---

ქედაში გენდერული თანასწორობის საბჭოს წევრებმა მოქალაქეებს საინფორმაციო ფლაერები დაურიგეს

დღეს, ქედაში „არა ძალადობას“ საინფორმაციო კამპანიის ფარგლებში, გენდერული თანასწორობის საბჭოს წევრებმა მოქალაქეებს საინფორმაციო ფლაერები დაურიგეს. აღნიშნულის შესახებ ინფორმაციას ქედის მუნიციპალიტეტის მერია ავრცელებს.

ქედის მერიის ცნობით, კამპანიის ფარგლებში, გასვლითი შეხვედრები გაიმართა მახუნცეთის და ძენწმანის საჯარო სკოლის მოსწავლეებისათვის, რომლის მიზანია საზოგადოების ცნობიერების ამაღლება ოჯახში ძალადობის შესახებ და ამ პრობლემის დასაძლევად საზოგადოების ჩართულობის აუცილებლობის ხაზგასმა.

„შეხვედრა ღია სივრცე საზოგადოებისათვის „ქალთა ოთახის“ და გენდერული საბჭოს ორგანიზებით გაიმართა.

16 დღიანი ,,არა ძალადობის" კამპანია 25 ნოემბერს დაიწყო და 10 დეკემბერს „ადამიანთა უფლებების დაცვის დღეს“ დასრულდება“, - აღნიშნულია ქედის მერიის ინფორმაციაში.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი