საქართველოში უცხოელთა და მოქალაქეობის არმქონე პირებისთვის სავიზო რეგულაციები მარტივდება.

შესაბამისი გადაწყვეტილება, ეკონომიკის მინისტრის გიორგი კვირიკაშვილის ინფორმაციით, მთავრობის დღვანდელ სხდომაზე მიიღეს.

როგორც მინისტრი აღნიშნავს, სავიზო რეგულაციების გამარტივება ქვეყანაში ინვესტორებისა და ტურისტების შემოსვლას გააიოლებს.

კვირიკაშვილის განცხადებით, თუ პიროვნება საქართველოში უძრავ ქონებას ფლობს, მისთვის  როგორც ვიზის, ასევე ბინადრობის მოწმობის აღება გაადვილდება.

„ასევე, მთავრობის დადგენილებით განსაზღვრული იქნება იმ ქვეყნების სია, რომელთა მოქალაქე ვიზის ფლობის შემთხვევაში უფრო მარტივად შეძლებს ქვეყანაში შემოსვლას. სავიზო რეგულაციების გამარტივება ემსახურება რამდენიმე მიზანს. გავამარტივოთ ტურისტებისთვის ქვეყანაში შემოსვლა, ასევე გავამარტივოთ ინვესტორებისთვის შემოსვლა და მუშაობა.  ჩვენი ბევრი თანამემამულისთვის,  რომლებმაც მიიღეს სხვა ქვეყნის მოქალქეობა და აქედან გამომდინარე დაკარგეს საქართველოს მოქალაქეობა,  ქვეყანაში  შემოსვლა მარტივი იქნება და აქ ყოფნის შესაძლებლობა   შეუზღუდავად ექნებათ, ვინაიდან უმეტესობა საქართველოში ჯერ კიდევ ფლობს უძრავ ქონებას“,-განაცხადა კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი