კარლ ჰარცელი - აღვნიშნავთ ასოცირების შეთანხმების მე-7 წელს, რომელიც ჩვენი ახლო ურთიერთობის საიმედო დასაყრდენია

2021-06-27 11:44:20, 893 ნახვა

კომენტარი

„აღვნიშნავთ ევროკავშირი-საქართველოს ასოცირების შეთანხმების მე-7 წელს, რომელიც ჩვენი ახლო ურთიერთობის საიმედო დასაყრდენია“, - ამის შესახებ ევროკავშირის ელჩმა საქართველოში, კარლ ჰარცელმა განაცხადა.

მან ასევე აღნიშნა, რომ ევროკავშირმა და საქართველომ უნდა გააგრძელონ ერთობლივი ძალისხმევა ურთიერთობების მეტად დასაახლოებლად.

„ჩვენ აღვნიშნავთ მე-7 წელს ევროკავშირი-საქართველოს ასოცირების შეთანხმების ხელმოწერისა, რომელიც ჩვენი ახლო ურთიერთობის საიმედო დასაყრდენია.

მიუხედავად იმისა, რომ ეს ტექნიკური დოკუმენტია, ის ასახავს ჩვენს საერთო ღირებულებებსა და მიზნებს. იგი წარმოადგენს პოტენციალის გამოვლენის გასაღებს, რომლის მიზანიც ერთად გვაქვს დასახული.

გილოცავთ იუბილეს როგორც საქართველოს, ასევე ევროკავშირს!

იმედი მაქვს, რომ გავაგრძელებთ ერთობლივ ძალისხმევას ჩვენი პარტნიორობის კიდევ უფრო გაღრმავებისთვის და მომავალ წლებში კიდევ უფრო დაახლოებისათვის“, - განაცხადა კარლ ჰარცელმა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,