„პარტიის საპარლამენტო საქმიანობასთან დაკავშირებით პოლიტსაბჭო კონკრეტულ გადაწყვეტილებას რამდენიმე დღეში მიიღებს“, - ამის შესახებ „ერთიანი ნაციონალური მოძრაობის“ წევრმა ხატია დეკანოიძემ განაცხადა.

მან ასევე აღნიშნა, რომ „ნაციონალურმა მოძრაობამ“ პარლამენტის ბერკეტი რეჟიმის დასამარცხებლად აუცილებლად უნდა გამოიყენოს.

„მესმის, რომ საზოგადოება საპარლამენტო საქმიანობის გაგრძელებასთან დაკავშირებით ,,ნაციონალური მოძრაობის“ გადაწყვეტილებას ელოდება.

მესმის, რამდენად მნიშვნელოვანია ყველაზე დიდი ოპოზიციური პარტიის სამომავლო გეგმები და სტრატეგია, რადგან ეს მხოლოდ შესვლა - არ შესვლაზე კიარ აისახება, არამედ იქნება ძალიან მნიშვნელოვანი სტრატეგია რეჟიმის დამარცხებაში.

მინდა გითხრათ, რომ ამ გადაწყვეტილებას უახლოეს დღეებში მივიღებთ. რეგიონებში გასვლა და ჩვენს აქტივთან შეხვედრა ძალიან მნიშვნელოვანია.

ჩემი პოზიცია საზოგადოებამ იცის, მე ძალიან მკვეთრი პოზიცია მაქვს. ვფიქრობ, ეს ბერკეტი გამოსაყენებელია. ვესაუბრებით ცალკეულ ჯგუფებს და გადაწყვეტილების მიღებაში ამ ადამიანების ჩართულობა ძალიან მნიშვნელოვანია.

პარტიის საპარლამენტო საქმიანობასთან დაკავშირებით დაახლოებით რამდენიმე დღეში პოლიტსაბჭო კონკრეტულ გადაწყვეტილებას მიიღებს“, -  განაცხადა ხატია დეკანოიძემ. 

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო