„კრიზისიდან ქვეყნის გამოსვლა არ დაწყებულა, სამწუხაროდ, შეთანხმების იმ დოკუმენტმა ჩვენ ეს ბიძგი არ მოგვცა“, - ამის შესახებ „ევროპული საქართველოს“ ლიდერმა გიგა ბოკერიამ ტელეკომპანია „პირველის“ ეთერში განაცხადა.

მან ასევე აღნიშნა, რომ ნიკა მელიასა და გიორგი რურუას გათავისუფლება ხაზგასმაა მძევლებით ვაჭრობის.

„რეალურად კრიზისიდან ქვეყნის გამოსვლა არ დაწყებულა. სამწუხაროდ, შეთანხმების იმ დოკუმენტმა ჩვენ ეს ბიძგი არ მოგვცა.

ვინც იტყვის, რომ ამ შეთანხმების დამაკმაყოფილებელი შედეგია, რომ თავისუფალია მელია და რურუა, ჩემი აზრით, ღრმად ცდება, იმიტომ, რომ ეს სწორედ ხაზგასმაა მძევლებით ვაჭრობის, რაც სახიფათო პრეცედენტია.

პირიქით შეიძლება ითქვას, ბოიკოტის და მელიას გადაწყვეტილების, რომელთა შედეგადაც ის ციხეში აღმოჩნდა, შედეგია მიღებული დოკუმენტი, ოღონდ არასაკმარისი შედეგი და არა პირიქით.

თუკი რამეზე იყო კონსენსუსი და თუკი ვინმესთვის იყო უზარმაზარი პრობლემა, ლეგიტიმურად აუტანელი, მელიას პატიმრობა, ეს იყო ხელისუფლება, ქვეყნის შიგნით და ქვეყნის გარეთ. ამ თვალსაზრისით, პატარა ამოსუნთქვის საშუალება მიეცა, მაგრამ სულ პატარა“, - განაცხადა გიგა ბოკერიამ.

ავტორი: ექსპრესნიუსი,

სოციალური ქსელები

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული