2015-09-15 15:53:12, 673 ნახვა
ეკონომიკა
ბათუმში 10 მილიონი დოლარის ღირებულების ახალი ინვესტიცია განხორციელდება
აჭარის მთავრობის თავმჯდომარე არჩილ ხაბაძე და აჭარის ფინანსთა და ეკონომიკის მინისტრი დავით ბალაძე დღეს კაზინოების საერთაშორისო ქსელის „XO“-ს წარმომადგენლებს შეხვდნენ.
აჭარის მთავრობის ადმინისტრაციის პრესსამსახურის ინფორმაციით, კომპანია „XO“ ახალ ბულვარში მშენებარე სასტუმრო-აპარტამენტების „მეტრო სითის“ ტერიტორიაზე კაზინოს ააშენებს.
კაზინო მეტრო სითის ტერიტორიაზე 2800 კვ. მეტრზე განთავსდება. ახალ პროექტში 500-ზე მეტი ადამიანი დასაქმდება.
„კაზინოს მშენებლობა წელს დაიწყება და 2016 წელს დასრულდება. კომპანიასთან საიჯარო ხელშეკრულება 15 წლიანი იქნება.კაზინოების ქსელი „XO“ და კომპანია მეტრო ატლას ჯორჯია ხელშეკრულებას უახლოეს პერიოდში გააფორმებენ“, - ნათქვამია აჭარის მთავრობის ადმინისტრაციის ინფორმაციაში.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
