„მე ნადვილად ვთვლი, რომ დღეს საქართველოს 11 სამინისტროზე მეტი ეფექტური მმართველობისთვის არ სჭირდება“, - ამის შესახებ პრემიერ- მინისტრობის კანდიდატმა მამუკა ბახტაძემ საპარლამენტო უმრავლესობასთან შეხვედრისას ფრაქცია „ქართული ოცნების“ თავმჯდომარის, მამუკა მდინარაძის კითხვაზე საპასუხოდ განაცხადა.

მდინარაძემ ბახტაძეს სთხოვა, სამინისტროების შემცირებასთან დაკავშირებით პოზიცია კიდევ ერთხელ დაეფიქსირებინა.

 „ყველა ის პროცედურა, რომელიც ჩვენ უნდა  გავიაროთ არის თანხვედრაში იმ კანონმდებლობასთან, რაც დღეს არსებობს საქართველოში. აქვე მინდა განვაცხადო ის, რომ პროგრამა რომელიც მე წარმოვადგინე მოითხოვს მცირე მთავრობის კონცეფციას. შესაბამისად ჩენ გვქონდა ერთადერთი საშუალება, რომ პარლამენტთან გვქონოდა კონსულტაციები ამ საკითხთან დაკავშირებით, რომ მთავრობა დამტკიცებულიყო ძველი სტრუქტურით  იმ შემთხვევაში, თუ თქვენ ნდობას გამოაცხადებთ და შემდეგ ჩვენი  გუნდი შემოიტანდა ამ პროექტს,  რომელსაც განვიხილავდით პარლამენტში. ეს გულისხმობს მათ შორის სამინისტროების შემცირებას და მე ნამდვილად ვთვლი, რომ დღეს საქართველოს 11სამინისტროზე მეტი ეფექტური მმართველობისთვის არ სჭირდება.  აქიდან გამომდინარე, ბუნებრივია ეს არის ჩემი პოლიტიკური პასუხისმგებლობა, ვინაიდან მე პარლამენტში მოვდივარ პროგრამით და ეს გახლავთ პროგრამის განუყოფელი  ნაწილი. აქიდან გამომდინარე მე კიდევ ერთხელ მინდა დავადასტურო ის რაც თქვენ აღნიშნეთ ეს არის ჩემი პოლიტიკური პასუხისმგებლობა“, - განაცხადა პრემიერ-მინისტრობის კანდიდატმა მამუკა ბახტაძემ.

ავტორი: ,

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა