საქართველოს შეიარაღებული ძალების V ქვეითი ბრიგადის ასეული ერთთვიან საველე მომზადებას ასრულებს.

თავდაცვის სამინისტროს ინფორმაციით, გეგმიური წვრთნა ოსიაურის საწვრთნელ ბაზაზე მიმდინარეობს და მასში 115 სამხედრო მოსამსახურეა ჩართული.

საველე-ტაქტიკური მომზადების დროს სამხედრო მოსამსახურეები რეკოგნოსცირების ოპერაციებში, კონტაქტზე რეაგირებაში, სათვალთვალოების მოწყობასა და ტოპოგრაფიაში ემზადებიან.  ჯარისკაცებმა წვრთნები დღისა და ღამის ნავიგაციაშიც  გაიარეს.

სწავლების დასკვნით ფაზაზე შემაჯამებელი წვრთნა გაიმართა. სწავლება იმიტირებული სცენარის მიხედვით ჩატარდა. V ქვეითი ბრიგადის სამხედრო მოსამსახურეებმა სხვადასხვა ტაქტიკური ამოცანა შეასრულეს.

სწავლების ბოლო დღეს ქართველი სამხედროები ოსიაურიდან გორის მიმართულებით ტაქტიკურ მარშს განახორციელებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გახარიას პარტია ყაველაშვილს მაღაროელების შეწყალებაზე მიმართავს

თბილისში ევროპის საბჭოს ადამიანის უფლებათა დაცვის კომისარი ჩამოვიდა

საქართველოში 15-17 აპრილს შედარებით თბილი და უმეტესად უნალექო ამინდია მოსალოდნელი

საზოგადოებრივი კვების ობიექტებში მომხმარებლისთვის სასმელების პლასტმასის ბოთლით მიწოდების აკრძალვა ძალაში რჩება, რეგულაცია პირველი ივლისიდან ამოქმედდება