ჯავახიშვილის ქუჩაზე (ელბაქიძის აღმართზე) გზის სავალი ნაწილის აღსადგენად ზუსტი თარიღი ვერ სახელდება.
დაზიანებულ ქუჩაზე  მიმდინარე სამუშაოებს  დედაქალაქის საკრებულოს თანამშრომლები გაეცნენ.
როგორც თბილისის  საკრებულოს თავჯდომარე გიორგი ალიბეგაშვილმა ჟურნალისტებს განუცხადა, გამაგრება ფაქტობრივად მთელ ქუჩას სჭირდება.
აღნიშნულ აღმართზე არსებული პრობლემა კი, მისივე თქმით, სავარაუდოდ 1 თვის ვადაში გადაიჭრება.
„დედაქალაქის მერიის წარდგინებით,  დღეს ბიუროს სხდომაზე გამოტანილი იქნა 300 000 ლარიანი პროექტი, რაც  პირველ რიგში  საპროექტო სამუშაოებს ითვალისწინებს, რადგან შემდგომ აღდგენითი სამუშაოები იქნას დაწყებული. მდგომარეობა საკმაოდ მძიმეა, რადგან გამაგრება ფაქტობრივად მთელ ქუჩას სჭირდება. ხიმინჯები იქნება ჩასარჭობი და ეს ყველაფერი გარკვეულ დროს მოითხოვს. ვფიქრობ, ეს პრობლემა  სადღაც 1 თვის ვადაში გადაიჭრება“, – აღნიშნა ალიბეგაშვილმა.
ამასთან, თბილისის მერიის კეთილმოწყობის სამსახურის უფროსის ავთანდილ სუდაძის თქმით,  ჯავახიშვილის (ყოფილი ელბაქიძის) ქუჩაზე  დაზიანებული ქუჩის აღსადგენად საჭირო დროს დასახელება არაგონივრულია.
თუმცა, წინასწარი მონაცემებით, როგორც სუდაძემ აღნიშნა, იმისათვის, რომ გზა კაპიტალურად აღდგეს 2 თვე იქნება საჭირო.
„სამუშაოები 24 საათიან რეჟიმში განხორციელდება. წინასწარ, რომ ვთქვათ, გზას ხვალ გავაკეთებთ ან 1 კვირაში არაგონივრული იქნება. თუმცა, წინასწარი მონაცემებით, იმისათვის, რომ გზა კაპიტალურად აღდგეს, სავარაუდოდ 2 თვე იქნება საჭირო. მიუხედავად იმისა, რომ არ დავზოგავთ არც ენერგიას და არც რესურსებს, რადგან ყველაფერი სწრაფად გაკეთდეს, ჯერ წარმოდგენაც არ გვაქვს, როგორ უნდა გავაკეთოთ, ვგულისხმობ ტექნიკურ მხარეს“, – აღნიშნა სუდაძემ.
შეგახსენებთ, რომ ელბაქიძი სქუჩაზე  წყლის უხვი რაოდენობის გამო, სავალი გზის ნაწილი გუშინ დილით  ჩამოინგრა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოში 15-17 აპრილს შედარებით თბილი და უმეტესად უნალექო ამინდია მოსალოდნელი

საზოგადოებრივი კვების ობიექტებში მომხმარებლისთვის სასმელების პლასტმასის ბოთლით მიწოდების აკრძალვა ძალაში რჩება, რეგულაცია პირველი ივლისიდან ამოქმედდება

აშშ-ის საელჩომ საქართველოს დედაენის დღე მიულოცა

„ოცნების“ წარმომადგენელი: უნგრეთის მომავალი პრემიერ-მინისტრის განცხადება მისასალმებელია