ნოდარ ხადური: ჩვენ გვაქვს ეკონომიკური ზრდის პოტენციალი

2015-03-24 17:04:10, 740 ნახვა

ეკონომიკა

„ჩვენ გვაქვს ეკონომიკური ზრდის პოტენციალი, მაგრამ ამისთვის საჭიროა ღონისძიებების გატარება“, - ამის შესახებ ფინანსთა მინისტრმა ნოდარ ხადურმა ჟურნალისტებს განუცხადა.

მისივე თქმით, თებერვლის მიონაცემები გაცილებით უკეთესი იყო ვიდრე მარტის.

„ჩვენ გვაქვს თებერვლის მონაცემები და თებერვალი გაცილებით უკეთესი იყო ვიდრე იანვარი. ახლა შევხედავთ მარტს და მარტის მაჩვენებელი გვექნება მას შემდეგ, რაც ეს თვე დასრულდება. ის, რომ გასულ წელს მივაღწიეთ 4,8% ზრდას უდავოდ მაღალი მაჩვენებელი იყო. ვფიქრობ, რომ ჩვენ გვაქვს ზრდის პოტენციალი, მაგრამ ამისთვის საჭიროა არაჩვეულებრივი ღონისძიებების გატარება. მათ შორის შეიძლება იყოს პარტნიორი ქვეყნების და დონორი ორგანიზაციების დახმარება“,-განაცხადა ხადურმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან