საფრანგეთის სასამართლომ 3 რუს გულშემატკივარს მარსელსი არეულობაში მონაწილეობისთვის 1-დან 2.5 წლამდე თავისუფლების აღკვეთა მიუსაჯა, - ამის შესახებ რუსული მედია წერს. 

როგორც მედია საშუალება წერს, ნიკოლაი მოროზოვს, ალექსეი იერუნოვსა და სერგეი გორბაჩოვს 12, 18 და 24 თვით პატიმრობა მიუსაჯეს. აღნიშნული პირები, სამართალდამცველებმა 14 ივნისს დააკავეს. ისინი იმ 43 გულშემატკივარს შორის იყვნენ, რომლებიც არეულობაში მონაწილეობდნენ. 

ამასთან, საფრანგეთის ხელისუფებამ ქვეყნიდან რუსი გულშემატკივრების გაერთიანების ხელმძღვანელი ალექსანდრ შპრიგინი გააძევა. მასთან ერთად საფრანგეთიდან რუსეთის კიდევ 20 მოქალაქის დეპორტაცია მოხდა.

ცნობისთვის, რუსი გულშემატკივრების დაკავების გამო რუსეთის საგარეო საქმეთა სამინისტროში საფრანგეთის ელჩი დაიბარეს და მას პროტესტი გამოუცხადეს. რუსეთის საგარეო საქმეთა მინისტრის მოადგილის, არკადი დვორკოვიჩის თქმით, რუსული მხარე 2018 წლის მსოფლიო ჩემპიონატისთვის “შავ სიას” ამზადებს.

შეგახსენებთ, რომ საფრანგეთის ქალაქ მარსელში ფეხბურთის ინგლისელ და რუს გულშემატკივრებს შორის შეტაკება მოხდა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო