შეკრების თავისუფლება ყველა ადამიანის ფუნდამენტური უფლებაა, შეახსენებს ეუთოს დემოკრატიული ინსტიტუტებისა და ადამიანის უფლებათა ოფისის (ODIHR) წარმომადგენელი კატია ანდრუში საქართველოს ხელისუფლებას. „ფორმულა ტვ“-სთან ინტერვიუში მან კომენტარი გააკეთა საქართველოში მომიტინგეების წინააღმდეგ აკრძალული ქიმიკატების შესაძლო გამოყენების შესახებ ბრალდებებზე. მან განაცხადა, რომ ხელისუფლებამ საპროტესტო აქციების დაშლისას არ უნდა გამოიყენოს „საზოგადოებრივი წესრიგის დასაცავად მავნე და მიუღებელი“ ნივთიერებები:

„მშვიდობიანი შეკრების თავისუფლების უფლება მრავალრიცხოვან ადამიანის უფლებათა დოკუმენტშია გათვალისწინებული. ეუთოს ყველა მონაწილე სახელმწიფომ აიღო ვალდებულება, პატივი სცეს ამ უფლებას. შეკრებები უნდა მოხდეს დიალოგისა და კომუნიკაციის გზით და არა ძალის გამოყენებით. თუ ხელისუფლება იყენებს ძალას, ეს ყოველთვის უნდა იყოს კანონის შესაბამისად, აუცილებელი და პროპორციული კონკრეტული გარემოებებისა“.

კატია ანდრუში ხაზს უსვამს, რომ ეუთოს/ODIHR არ აცხადებს, რომ კონკრეტული ანგარიშები ზუსტია, თუმცა...

„საერთაშორისო ადამიანის უფლებათა სტანდარტები და ძალის გამოყენების ძირითადი პრინციპები მოითხოვს, რომ სამართალდამცავმა ორგანოებმა თავი შეიკავონ განურჩეველი საშუალებების, მათ შორის ქიმიური ნივთიერებების გამოყენებისგან... მხოლოდ გამონაკლის შემთხვევებში შეიძლება მათი გამოყენება გამართლებული იყოს და ზოგიერთი სახელმწიფო საერთოდ თავს იკავებს მათი გამოყენებისგან“, - განაცხადა კატია ანდრუშმა.

1 დეკემბერს BBC-მ გამოაქვეყნა საგამოძიებო ანგარიში, რომელშიც ნათქვამია, რომ შესაძლოა, საქართველოში 2024 წელს ანტისამთავრობო დემონსტრაციების დასაშლელად პირველი მსოფლიო ომის დროინდელი ქიმიური ნივთიერება გამოიყენეს.

BBC-ის გამოძიების საფუძველზე, გაეროს წამების საკითხებში სპეციალურმა მომხსენებელმა ალის ედვარდსმა განაცხადა, რომ „მოსახლეობა არასდროს არ უნდა დაექვემდებაროს ექსპერიმენტებს“ და რომ საქმე წამებისა და არასათანადო მოპყრობის მუხლებით უნდა გამოიძიონ.

იმავე გამოძიებაში ხაზგასმულია, რომ „ქართულმა ოცნებამ“ BBC-ს განუცხადა, რომ ჟურნალისტების დასკვნები „აბსოლუტურად აბსურდული“ იყო და რომ პოლიციამ „სასტიკი დამნაშავეების“ უკანონო ქმედებებზე რეაგირება „კანონისა და კონსტიტუციის ფარგლებში“ მოახდინა.

ჟურნალისტური გამოძიების გამოქვეყნების შემდეგ, „ქართულმა ოცნებამ“ განაცხადა, რომ გადაწყვიტა BBC-ის წინააღმდეგ „საერთაშორისო სასამართლოებში სამართლებრივი დავის“ დაწყება. პარტიამ ბრიტანეთის სამაუწყებლო კორპორაციას „ოდესღაც რეპუტაციის მქონე მედია საშუალება“ უწოდა, რომელიც ახლა არაფორმალური მმართველობის პროპაგანდის ინსტრუმენტად იქცა“.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი