წითელ ღილაკს უნდა დააჭიროთ დღეს! მწვანეს არა! - ასე მიმართავს "სტრატეგია აღმაშენებლის" წევრი სერგო ჩიხლაძე უმრავლესობის დეპუტატებს პარლამენტის პლენარულ სხდომამდე, რომელზეც "უცხოური აგენტების შესახებ" კანონპროექტის ჩაგდება იგეგმება.

ჩიხლაძე განცხადებას სოციალურ ქსელში აქვეყნებს და იმ 78 დეპუტატს, რომლებმაც ანტიდასავლური მოძრაობა "ხალხის ძალის" კანონპროექტს პლენარულ სესიაზე პირველი მოსმენით მხარი უკვე დაუჭირეს, კოლექტიურ "ყაველაშვილებს" უწოდებს.

''78 ყაველაშვილს პარლამენტში: არ აგერიოთ, წითელ ღილაკს უნდა დააჭიროთ დღეს! მწვანეს არა! აბა თქვენ იცით ძალიან პრინციპულებო!''- წერს  სერგო ჩიხლაძე.

ცნობისთვის, საქართველოს პარლამენტის პლენარული სხდომა, რომელზეც "უცხოური აგენტების შესახებ" კანონპროექტის ჩაგდება იგეგმება, დღეს, 12:00 საათზე გაიმართება. აღსანიშნავია, რომ კანონპროექტი ვენეციის კომისიიდან პარლამენტის თავმჯდომარემ, შალვა პაპუაშვილმა გუშინ, 9 მარტს გამოიწვია. გამოწვევის გადაწყვეტილება „ქართული ოცნების“ პოლიტიკურმა საბჭომ, „ხალხის ძალამ“ და საპარლამენტო უმრავლესობამ მას შემდეგ მიიღო, რაც პარლამენტის შენობასთან არაერთი საპროტესტო აქცია გაიმართა.

ავტორი: ექსპრესნიუსი,

სოციალური ქსელები

რეგიონებში ცხოველთა 3 ახალი მუნიციპალური თავშესაფარი აშენდება

სპეციალური შეთავაზება SOLO მომხმარებლებისთვის - დაესწარით სპექტაკლ “შერეკილები”-ს პრემიერას რეზო გაბრიაძის თეატრში

ზურაბიშვილი - მოსამართლე თეა ლეონიძემ განაჩენი პირველ რიგში გამოიტანა თავის თავს გამოუტანა, მერე კი რეჟიმს

ხაბეიშვილი - ამ ქვეყანას ეშევლება, მთავარია, ისე არ მოგვივიდეს, რომ სანამ აზრზე მოვლენ, აზრზე მოსვლას აზრი აღარ ჰქონდეს