2025-12-08 09:35:31, 23925 ნახვა

---

რუსეთის საოკუპაციო ძალები, უკრაინის ტერიტორიების სწრაფ ოკუპირებას ახდენენ - The Telegraph

რუსეთის ფედერაციის საოკუპაციო ძალები აგრძელებს უკრაინის ტერიტორიების დაკავებას უკანასკნელი ოთხი წლის განმავლობაში ერთ-ერთი ყველაზე მაღალი ტემპით, რადგან სამშვიდობო მოლაპარაკებები ჩიხში შევიდა, ხოლო კიევის მხარდაჭერა სუსტდება, — წერს The Telegraph.

Deep State-ის ინფორმაციით, ნოემბერში რუსმა სამხედროებმა 500 კვადრატული კილომეტრი დაიკავეს — რაც 250 კვადრატული კილომეტრით მეტია, ვიდრე ერთი თვით ადრე. ხოლო შეტევის სიჩქარე, ომის სწავლების ინსტიტუტის შეფასებით, უახლოვდება რეკორდულად მაღალ დონეს თითქმის მთელი ოთხი წლის განმავლობაში.

გამოცემის ცნობიტ, ასეთი წინსვლა, სავარაუდოდ, ხელს შეუწყობს ტრამპის დარწმუნებას, რომ მშვიდობა უნდა დამყარდეს რუსეთის პირობებით, ხოლო კიევისთვის დახმარების გაგზავნა ფულის უაზრო ხარჯვაა.

ამავდროულად, რუსების შეტევა გრძელდება და მძაფრი ბრძოლები მიმდინარეობს დონეცკის ოლქის პოკროვსკის მიმდებარედ. რუსმა ოკუპანტებმა, რომლებმაც შეძლეს უკრაინის თავდაცვის ძალების რესურსების გაწელვა 1000-კილომეტრიან ფრონტზე, გარკვეული წარმატებები მოიპოვეს ზაპოროჟიეს ოლქშიც და მიუახლოვდნენ კუპიანსკის აღებას ხარკოვის ოლქში.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი