საქართველოს შეიარაღებული ძალების სამხედრო საინჟინრო ბრიგადის EOD ასეულის პირველი დონის ინსტრუქტორთა მომზადების ტრენინგი დასრულდა. დღეს, კურსის დახურვის საზეიმო ცერემონიალი საინჟინრო ბრიგადის სამწყობრო მოედანზე გაიმართა. ღონისძიებას საქართველოს შეიარაღებული ძალების გენერალური შტაბის უფროსი, გენერალ-მაიორი ვახტანგ კაპანაძე დაესწრო. 

სიტყვით გამოსვლისას, გენერალური შტაბის უფროსმა სწავლების მნიშვნელობაზე ისაუბრა და აშშ-ის ევროპული სარდლობის ინსტრუქტორებს სწავლების ჩატარებისთვის მადლობა გადაუხადა. კურსის წარმატებით დასრულება მონაწილეებს კოლინ ტომსონმა, პოლკოვნიკმა მაქსიმილიან ედერმა და საინჟინრო ბრიგადის მეთაურმა, პოლკოვნიკმა გოჩა შავგულიძემაც მიულოცეს და კურსის დასრულების დამადასტურებელი სერთიფიკატები გადასცეს.

დღესვე, ამერიკულმა მხარემ სამხედრო საინჟინრო ბრიგადის EOD ასეულს ტრენინგის განმავლობაში გამოყენებული, 95 000 დოლარის ოდენობის საინჟინრო საშუალებები და მატერიალური ქონება გადასცეს. აღჭურვილობის გადაცემასთან დაკავშირებით, აშშ-ის ევროპული სარდლობის წარმომადგენელმა, მაიორმა კოლინ ტომსონმა და საქართველოს შეიარაღებული ძალების ჯარების ლოგისტიკური უზრუნველყოფის სარდალმა, პოლკოვნიკმა მამუკა ცხვედიანმა დოკუმენტს მოაწერეს ხელი.

სამხედრო საინჟინრო ბრიგადის EOD ასეულის სამხედრო მოსამსახურეებისთვის ტრენინგი 21 აპრილს დაიწყო. ნატოს „პარტნიორობა მშვიდობისათვის“ ნდობის ფონდის პროექტ „საქართველო IV“-ის ფარგლებში, აშშ-ის ევროპული სარდლობის წარმომადგენლები (EUCOM) 15 სამხედრო მოსამსახურეს სამი კვირის განმავლობაში ამზადებდნენ. სწავლება სამხედრო-საინჟინრო ბრიგადის ბაზასა და ვაზიანის სამხედრო პოლიგონზე მიმდინარეობდა. ტრენინგი განაღმვით ოპერაციებში სამხედრო ინჟინრებით დაკომპლექტებული ასეულის შესაძლებლობების გაზრდას ისახავდა მიზნად.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი