აჭარის ჯანდაცვის სამინისტროს შეზღუდული შესაძლებლობის სტატუსის მქონე ბავშვთა სოციალური ადაპტაციის 2016 წლის პროგრამა ამოქმედდა.

როგორც „ექსპრესნიუსს“ აჭარის ჯანდაცვის სამინისტროდან აცნობეს, პროგრამის ფარგლებში, შეზღუდული შესაძლებლობის სტატუსის მქონე 10 მოზარდი ადაპტაციის კურსს სარეაბილიტაციო ცენტრ სანიტასში გადის.

დღეს, პროგრმის მიმდინარეობის პროცესს აჭარის ჯანდაცვის მინისტრის მოადგილე ზურაბ თენიეშვილი და სოციალური დაცვის დეპარტამენტის უფროსი ლელეა სურმანიძე გაეცნენ.

პროგრამა ითვალისწინებს აჭარის ა/რ მუნიციპალიტეტებში მცხოვრები შშ სტატუსის მქონე 18 წლამდე ასაკის ბავშვების სამედიცინო მეთვალყურეობას, მათ საჭიროებებზე მორგებულ სწავლებას, ფსიქოლოგიურ დახმარებას, სადღეღამისო მომსახურებას კვებით, სოციალური უნარ-ჩვევების სწავლებას.

შეზღუდული შესაძლებლობის მქონე ბავშვებისათვის ოჯახურთან მიახლოებული გარემოს შექმნის მიზნით პროგრამაში ბავშვის ჩართვა ხორციელდება მშობელთან ან ოჯახის სრულწლოვან წევრთან ერთად.

წლის განმავლობაში 1 ბენეფიციარს უფინანსდება რეაბილიტაციის არაუმეტეს 2 კურსი, ერთი კურსი მოიცავს 20 დღეს. მომსახურება ფინანსდება დღეში 20 ლარით, ხოლო თანმხლები პირის დღეში 10 ლარით.

პროგრამის წლიური ბიუჯეტი შეადგენს 36,000 ლარს. პროგრამა გათვალისწინებულია 40 ბენეფიციარზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი