MSQRD-ის შემქმნელების თქმით, Facebook-მა კომპანიას აშშ-ის პრეზიდენტის ბარაკ ობამას სახის გამოყენება პოლიტკორექტულობის გამო აუკრძალა.

როგორც MSQRD-ში აღნიშნავენ, მას შემდეგ რაც Facebook-მა კომპანია შეისყიდა, ბევრი შეზღუდვა დაწესდა.

"გვეუბნებიან, რომ უნდა ვიყოთ პოლიტკორექტულები. მაგალითად, გვირჩიეს, რომ ინდიელის სახე წაგვეშალა პროგრამიდან. ბელორუსში, ამას რასისტული მიდგომა არ ჰქვია, თუმცა ამერიკაში როგორც ჩანს აღნიშნულ საკითხებს ძალიან მკაცრად ეკიდებიან", - განაცხადა MSQRD-ის ერთ-ერთმა შემქმნელმა ევგენი ნევგენმა.

მისივე თქმით, Facebook-მა კომპანიას Snoop Dogg-ის სახის წაშლის რეკომენდაციაც გაუწია.

ცნობისთვის, Facebook-მა კომპანია MSQRD ცოტა ხნის წინ შეიძინა. აღნიშნული აპლიკაცია, იმით არის ცნობილი, რომ მომხმარებელს სხვადასხვა გამოსახულებებს სთავაზობს ნიღბების სახით. შერჩეული ნიღბის კი ფოტო და ვიდეო მასალის გადაღება არის შესაძლებელი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი: თუ ირანი გარიგებას არ დათანხმდება, ყველა ელექტროსადგურს და ხიდს დავანგრევთ

ბერი ნიკოლოზი (ნარიმანი) გარდაიცვალა

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა