2023-04-01 12:37:07, 1700 ნახვა
კომენტარი
ხაჭაპურიძე - თუ სააკაშავილი საჩივრის გაგზავნის გადაწყვეტილებას მიიღებს, რამდენიმე საათში დოკუმენტი სტრასბურგში იქნება
თუ სააკაშავილი საჩივრის გაგზავნის გადაწყვეტილებას მიიღებს, რამდენიმე საათში დოკუმენტი სტრასბურგში იქნება, - ამის შესახებ საქართველოს მესამე პრეზიდენტის მიხეილ სააკაშვილის ადვოკატმა, შალვა ხაჭაპურიძემ განაცხადა.
მისივე თქმით, ის არ ამზადებს სტრასბურგის საჩივარს, ამაზე გადაწყვეტილება თავად ექსპრეზიდენტმა უნდა მიიღოს.
„მე არ ვამზადებ სტრასბურგის საჩივარს. როგორც ვიცი, ამაზე გადაწყვეტილება უნდა მიიღოს მიხეილ სააკაშვილმა. ამ გადაწყვეტილებას თუ მიიღებს და მაცნობებს, დამერწმუნეთ, რამდენიმე საათში დოკუმენტი იქნება სტრასბურგის სასამართლოში“, - განაცხადა შალვა ხაჭაპურიძემ.
ავტორი: ექსპრესნიუსი,
epn.ge (@expressnews.ge)
