ნატალია გავრილიცამ მოლდოვას პრემიერ-მინისტრობის თანამდებობა დატოვა, - ამის შესახებ ინფორმაციას Reuters ავრცელებს.

ნატალია გავრილიცას თქმით, მისი მთავრობა ხელისუფლებაში 18 თვიანი ყოფის შემდეგ გადადგა, რისი უმთავრესი მიზეზიც, ეკონომიკური არეულობა გახდა, რაც რუსეთის მიერ უკრაინაში წარმართული ომით იყო გამოწვეული.

გავრილიცას პრემიერ-მინისტრობის დროს ქვეყანამ, უკრაინის ენერგეტიკული ინფრასტრუქტურის დაზიანების შედეგად, ელექტროენერგიის გათიშვა განიცადა, გარდა ამისა გავრილიცას ჰქონდა მცდელობა ქვეყნისთვის რუსეთის გაზზე დამოკიდებულება მოეხსნა. 

პრემიერ-მინისტრის გადადგომით მთავრობის კაბინეტიც გადადგება, აქედან გამომდინარე, მოლდოვის პრეზიდენტმა და გავრილიცას თანაპარტიელმა, მაია სანდუმ განაცხადა, რომ ის საპარლამენტო ფრაქციებთან კონსულტაციებს გაივლის, რის შემდეგაც პრემიერმინისტრობის კანდიდატს დაასახელებს.

"მე მჯერა მოლდოველი ხალხის. მე მჯერა მოლდოვის", - განაცხადა გავრილიცამ ბრიფინგზე. 

ნატალი გავრილიცამ პრემიერ-მინისტრის თანამდებობა 2021 წლის აგვისტოში მას შემდეგ დაიკავა, რაც მისმა პროევროპულმა პარტიამ პარლამენტში უმრავლესობის მოპოვება შეძლო.

ავტორი: ექსპრესნიუსი,

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო