თელავის ისტორიულ მუზეუმში, ქეთევან იაშვილის სახელობის გალერეაში, 7 ნოემბერს 13:00 საათზე მხატვარ ბექა ხუცურაულის პირველი პერსონალური გამოფენა გაიხსნება.

ხელოვანი „პირველთან“ საუბარში ამბობს, რომ პერსონალურ გამოფენაზე 50-მდე ნამუშევარს წარმოადგენს.

„7 ნოემბერს თელავის ისტორიულ მუზეუმში ქეთევან იაშვილის სახელობის გალერეაში ჩემი ნამუშევრების პირველი პერსონალური გამოფენა 13:00 საათზე გაიხსნება. 7 ნოემბერს იმიტომ განისაზღვრა, რომ ერეკლე მეორის დაბადების დღეა და ერეკლეობა აღინიშნება თელავში. დაახლოებით 50- მდე ნამუშევარი მინდა გამოვფინო. აქ არ არის კონკრეტული თემატიკა, შერეულია, რადგან პირველი პერსონალური გამოფენაა, თუმცა შემოდგომის თემატიკა უფრო ჭარბობს. ბევრი ნამუშევარი მაქვს შემოდგომის თემატიკასთან დაკავშირებით. მითუმეტეს კახეთია, დახუნძლულია იქაურობა ფერებით და ასე ვთქვათ, მინდოდა, რომ მეც ამ კუთხით წავსულიყავი. გამოფენა 10 დღეს გასტანს“, - აღნიშნა ბექა ხუცურაულმა.

მისივე თქმით, გამოფენა ჯერ კიდევ წლის დასაწყისში თელავის მუზეუმის თანამშრომლების ინიციატივით დაიგეგმა.

„რა თქმა უნდა, მე ამით ძალიან ბედნიერი ვარ. მთელი წლის განმავლობაში  ძალიან დიდ პასუხისმგებლობას ვგრძნობდი და მინდა, რომ ეს დღე განსაკუთრებული იყოს. გამოფენაზე წარმოდგენილი ნამუშევრებიდან არის ფერწერული ტილოები, ზეთით და ტემპერით შესრულებული ანუ რამდენიმე ასეთი ნამუშევარიც იქნება წარმოდგენილი. ასევე მინდა აღვნიშნო, რომ გამოფენაზე შესაძლებელი იქნება ნამუშევრების გაყიდვა“, – მოგვითხრობს მხატვარი.

ფერმწერმა გამოფენაზე წარმოსადგენი ნამუშევრების ნაწილს კერძო კოლექციებიდან მოუყარა თავი, ნაწილი კი ახალი დახატული აქვს.

„ვფიქრობ, ძალიან საინტერესო იქნება, გამომდინარე იქიდან რომ ეს არის პირველი. პირველი დასრულებული სახით, რომელიც საგამოფენო დარბაზში იქნება წარმოდგენილი. ვიცი, რომ მუზეუმის თანამშრომლები და მთელი თელავი გულით მელოდება. ეს არის ჩემთვის ძალიან სასიხარულო და ძალიან ძვირფასი მოვლენა“, - დასძინა მხატვარმა ბექა ხუცურაულმა.

(R)

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი