2019-05-07 23:58:59, 5095 ნახვა
სპორტი
თოკოს 14 ქულა და "ბასკონიას" მორიგი გამარჯვება - რატომ ეწერა შენგელიას მაისურზე თევზაძე?
ესპანეთის ლიგა ენდესას 30-ე ტურში თორნიკე შენგელიას "ბასკონიამ" "მანრესას" უმასპინძლა და 82:71 დაამარცხა.
ვიტორიელთა ქართველი კაპიტანი სასტარტო ხუთეულში იმყოფებოდა და პარკეტზე 24:41 წუთი გაატარა. თოკოს მონაგარი 14 ქულა, 6 მოხსნა და 2 გადაცემა იყო.
შენგელიას მარგი ქმედების კოეფიციენტმა 23 შეადგინა და ის საკუთარ გუნდში ამ მხრივ საუკეთესო იყო.
ალბათ ბევრმა შეამჩნია და უცნაურიც იყო, რომ შენგელიას მაისურზე საკუთარი გვარის ნაცვლად თევზაძე ეწერა. ამის მიზეზი ის გახლავთ, რომ 5 მაისი ესპანეთში დედის დღეა და ყველა მოთამაშეს ზურგზე დედის გვარი ეწერა.
ავტორი: მარიამ იმერლიშვილი, ექსპრესნიუსის რეპორტიორი 2020 წლიდან
epn.ge (@expressnews.ge)
