„უზენაესი სასამართლოს თავმჯდომარეობის კანდიდატს პოლიტიკური ბეგრაუნდი, სავარაუდოდ, არ უნდა ჰქონდეს“, – ამის შესახებ უზენაესი სასამართლოს თავჯდომარე კოტე კუბლაშვილმა ჟურნალისტებს განუცხადა. 

თუმცა, მისივე თქმით, უზენაესი სასამართლოს თავჯდომარის დანიშვნის წესი, ნაწილობრივ პოლიტიკურია, რადგან კანდიდატურას პრეზიდენტი წარადგენს და პარლამენტი ნიშნავს. 

მიუხადავად ამისა, კუბლაშვილი  მიიჩნევს, რომ ეს ხელს არ უშლის, უზენაეს სასამართლოში საქმის განხილვისას ძალიან პრინციპულები იყვნენ.  

კოტე კუბლაშვილის განმარტებით, ადამიანს,  რომელიც  უზენაესი სასამართლოს თავჯდომარედ დაინიშნება, პოლიტიკასთან ურთიერთობის კუთხით, „სუფთა“ მდგომარეობა  უნდა ჰქონდეს.

„უზენაესი სასამართლოს თავჯდომარის კანდიდატურას პოლიტიკური ბეგრაუნდი, სავარაუდოდ, არ უნდა ჰქონდეს. თუმცა, დანიშვნის წესი  ისევე  როგორც აშშ–ში, ჩვენთანაც  ნაწილობრივ პოლიტიკურია, რადგან პრეზიდენტი წარადგენს კანდიდატურას და პარლამენტი ნიშნავს. მაგრამ,  მიუხედავად ამისა, იგივე აშშ–ში ეს ხელს არ უშლის თავჯდომარეს, რომ ძალიან პრინციპულები იყვნენ, როცა საქმეს იხილავენ. იგივე უნდა მოხდეს ჩვენთანაც, ადამიანს რომელიც უზენაესი სასამართლოს თავჯდომარედ დაინიშნება პოლიტიკასთან ურთიერთობის კუთხით „სუფთა“  მდგომარეობა უნდა ჰქონდეს“,  – განაცხადა  კუბლაშვილმა. 

რაც შეეხება, უზენაესი სასამართლოს თავჯდომარის დანიშვნასთან დაკავშირებით პროცედურებს, კუბლაშვილის განმარტებით, საკონსტიტუციო სასამართლოსთან განსხვავებით, უზენაეს სასამართლოში არ არის დადგენილი, თუ რა ვადებში უნდა დაინიშნოს ახალი თავჯდომარე. 

„დანიშვნა შეიძლება მოხდეს ერთ კვირაში, ორ, ან სამ თვეში. ეს მთლიანად პრეზიდენტსა და პარლამენტზეა დამოკიდებული“, – აღნიშნა კოტე კუბლაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი