„ქართული ოცნების“ წევრი ზაზა ხუციშვილი „ექსპრესნიუსთან“ საუბრისას აცხადებს, რომ კარგი მონადირე ბუნების კარგი დამცველია და მისი გუშინდელი ნათქვამი არასწორი ინტერპრეტაციით იქნა გადმოცემული.

„სადაც პრინციპულობის გამოჩენა იქნება საჭირო, ნებისმიერ საკითხში ძალიან პრინციპული ვიქნები, მათ შორის გარემოს დაცვის სფეროშიც. თუმცა, პარლამენტი მაინც საკანონმდებლო საქმიანობას ითხოვს. გუშინ მე ვთქვი, რომ მონადირე ვარ და ამიგორეს, თითქოს საქართველოში სასროლეთის გახსნას ვაპირებ. მე მონადირე ვარ და გული მტკივა თუ როგორც ექცევიან დღეს ჩვენს ქვეყანაში ბუნებას. ჩვენი ფაუნა ქვეყნისთვის დიდი რესურსია და ამას დაცვა და გამრავლება ჭირდება, ხოლო ამ რესურსის ნაწილის მოპოვება კანონიერების ფარგლებში უნდა მოხდეს. არ არსებობს ქვეყანა, სადაც ნადირობაა აკრძალული. საერთოდ, ან არ უსმენენ ადამიანს ან მხოლოდ იმ ნაწილს აქცევენ ყურადღებას, რომელიც აწყობთ.  კარგი მონადირე ბუნების კარგი დამცველია და ამ მიმართულებითაც ყველაფერს გავაკეთებ“, - განაცხადა ხუციშვილმა.

შეგახსენებთ, რომ ვაკის მე-3 ოლქში „ქართული ოცნების“ მაჟორიტარობის კანდიდატმა ზაზა ხუციშვილმა განაცხადა, რომ მას არაერთ სფეროში აქვს გამოცდილება, მათ შორის ნადირობაში და გამარჯვების შემთხვევაში, ის ამ მიმართულებით აქტიურად იმუშავებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი