"ეს არის გამოვლინება იმ ძალადობრივი ფონის, რომელიც ხელისუფლების წახალისებით არის შექმნილი",-ასე ეხმაურება მედიის განვითარების ფონდის გამგეობის თავმჯდომარე თამარ კინწურაშვილი რუსთავი 2-ის ჟურნალისტსა და ოპერატორზე  თავდასხმის ფაქტს. 

„ეს არის გამოვლინება იმ ძალადობრივი ფონის, რომელიც ხელისუფლების წახალისებით არის შექმნილი. ერთის მხრივ, ხელისუფლება არ სჯის მოძალადეებს, მეორეს მხირვ, ან რიტორიკით ახალისებს, ან მისი ცალკეული წევრები როგორც ეს კორცხელის შემთხვევაში იყო, უშუალოდ მონაწილეობენ ძალადობის ორგანიზებაში,“-ამბობს თამარ კინწურაშვილი.

მისივე თქმით, მომხდართან დაკავშირებით გამოძიებამ ადეკვატური რეაგირება უნდა მოახდინოს.
"ერთიანი ნაციონალური მოძრაობის" წევრი ჩიორა თაქთაქიშვილი მასზე, სამაუწყებლო კომპანია "რუსთავი 2-ის" ჟურნალისტზე და ოპერატორზე მომხდარი თავდასხმის შესახებ "ფეისბუქის" საკუთარ გვერდზე იუწყება.

როგორც დეპუტატი წერს, აეროპორტში მათ ფიზიკური შეურაცხყოფა მიაყენეს, ფიზიკურად გაუსწორდნენ რ2-ის ოპერატორს. იქვე მდგომი ქალები კი, მათ ფოტოების გადაღების საშუალებას არ აძლევდნენ. თაქთაქიშვილის განცხადებით, თავდამსხმელები უკვე დაკავებულნი არიან.

"ექსპრესნიუსი" განცხადებას უცვლელად გთავაზობთ:

ამ წვერიანმა ველურმა აეროპორტში მე და რუსთავი2-ის ჟურბალისტს და ოპერატორს გვაგინა, სპეციალურად ამ მიზნით მოვიდა ჩვენთან და მერე სასტიკად სცემა ოპეტატორს!! და ეს ქალები კიდევ გვეცნენ მე და ჟურნალისტს, ხელებს გვიკავებდნენ, რომ ტელეფონი წაერთმიათ და სურათი არ გადაგვეღო!! ამ ნაძირალამ სასტიკად ცემა ოპერატორი. საშინლად ვგრძნობ თავს, ასეთ მდგომარეობაში რომ აღმოჩნდნენ ჟურნალისტები!! თან რის გამო??!! რომ იუნტერვიუს იღებდნენ. ეს არის მათი დანაშაული???!!!! 

ახლა დაკავებული არიან ეს ველურები. 

მე კარგად ვარ! არ ინერვიულოთ". - ნათქვამია "ფეისბუკის" პოსტში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს