ამერიკელი მომღერლის კონცერტი გასულ კვირას გაიმართა და ბილეთები სრულად გაიყიდა - დინამო არენას დაახლოებით 55 000 ადამიანი ესტუმრა. კულტურის მინისტრის, თინათინ რუხაძის თქმით, შემსრულებლის გამო დედაქალაქში დაახლოებით 20 ათასი ტურისტი ჩავიდა.

„ბიზნეს პრეს ნიუსმა“ შეისწავლა წარმოდგენის ფინანსური ასპექტები და ორგანიზატორებისა და შემსრულებლის სავარაუდო შემოსავალს ავრცელებს.

ამგვარად, ბილეთების გაყიდვიდან მიღებული მთლიანი შემოსავალი შესაძლოა სულ მცირე 11 მილიონი დოლარი ყოფილიყო. ეს, სავარაუდოდ, კონცერტის დროს საქონლის გაყიდვისა და სხვა შემოსავლის გათვალისწინების გარეშეა.

Celebrity News-ის ცნობით, ტიმბერლეიკმა ჰონორარის სახით 2-დან 5 მილიონ დოლარამდე მიიღო. ზუსტი თანხა დამოკიდებულია ხელშეკრულების პირობებზე - ბილეთების გაყიდვაზე, დასწრების მონაცემებსა და სხვა მსგავს დეტალებზე.

შეგახსენებთ, რომ ჯასტინ ტიმბერლეიკის კონცერტის ბილეთები საქართველოსთვის რეკორდულ დროში გაიყიდა. ზოგიერთი მათგანი მოგვიანებით ვებსაიტებზე განთავსდა ბილეთების 2-3-ჯერადი ფასნამატით გასაყიდად.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო