საქართველოს პრემიერმინისტრი გიორგი კვირიკაშვილი მთავრობის დღევანდელ სხდომაზე ბოლო დროს ქვეყნის უსაფრთხოებაზე გამოთქმულ განცხადებებს გამოეახმაურა  და მათ  პოლიტიკური სპეკულაცია უწოდა.

კვირიკაშვილის თქმით,  შსს-ში,  უსაფრთხოების სამსახურში, პროკურატურაში რეფორმების საჭიროება არ გულისხმობს იმას, რომ ამ უმნიშვნელოვანეს ინსტიტუციებზე აგდებით ისაუბრონ. კვირიკაშვილის შეფასებით, მათი  დისკრედიტაცია უპირველეს ყოვლისა, სახელმწიფოს ასუსტებს.

 „მინდა, ჩვენს ოპონენტებს შევახსენო, რომ ჩვენი მთავრობის პირობებში დაიწყო უმნიშვნელოვანესი რეფორმები ამ კუთხით შსს-ში,  უსაფრთხოების სამსახურში, პროკურატურაში და სწორედ ამ რეფორმების და ამ ინსტიტუტების უშუალო მონაწილეობით განხორციელდა უმნიშვნელოვანესი ცვლილებები, რამაც დემოკრატიის უფრო მაღალი ხარისხი მოიტანა ჩვენს ქვეყანაში. ამიტომ, კიდევ ერთხელ მინდა მოვუწოდო ყველას, რომ თითოეული სიტყვა, გამოთქმული ამ ინსტიტუტიციების დისკრედიტაციის კუთხით, ჩვენს სახელმწიფოს ასუსტებს. ის, რომ რეფორმები არ დასრულებულა და ეს ინსტიტუციები კიდევ საჭიროებენ რეფორმებს, არავითარ შემთვევაში არ გულისხმობს, რომ ჩვენ აგდებით ვისაუბროთ ამ უმნიშვნელოვანეს ინსტიტუციებზე, როდესაც ამდენი გამოწვევები გვაქვს. უნდა გავაცნობიეროთ, რომ ეს დისკრედიტაცია უპირველეს ყოვლისა ასუსტებს სახელმწიფოს”,-განაცხადა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი