წალენჯიხის ვიცე-მერი მოქალაქეებს მოუწოდებს, გადაუდებელი აუცილებლობის გარეშე არ დატოვონ მუნიციპალიტეტი და ხელი არ შეუშალონ როგორც სპეცტექნიკის, ასევე სასწრაფო-სამაშველო დახმარების მანქანების გადაადგილებას - ამის შესახებ თამარ ბელქანია Facebook-ის პირდაპირ ეთერში საუბრობს.

"ვიმყოფები წალენჯიხის შემოსასვლელში. როგორც ხედავთ, ძალიან სერიოზული სტიქია უტევს წალენჯიხასაც, აღმართი რამდენჯერმე გაიწმინდა, მიუხედავად ამისა, ძალიან რთული ვითარებაა, რამდენიმე მანქანა მოცურდა. მოგიწოდებთ, თუ გადაუდებელი აუცილებლობა არ არის, ნუ დატოვებთ წალენჯიხის მუნიციპალიტეტს იმ საბურავებით, რომლებსაც მოცურების საწინააღმდეგო ჯაჭვები არ გააჩნია.

აუცილებელია, კვლავ გაიწმინდოს გზა "გრეიდერით", რაც ამ წუთებშიც მიმდინარეობს, იმისთვის რომ სასწრაფო გადაუდებელ სამსახურს ჰქონდეს შესაძლებლობა, იმოძრაოს შეუფერხებლად. მთელ მუნიციპალიტეტში მუშაობს ყველა ის ტექნიკა, რომლითაც შეგვიძლია, რომ გზები გავწმინდოთ... მიმდინარეობს გზების გაწმენდა, გთხოვთ ნუ შეუშლით ხელს. ძალიან რთულია თხელი საბურავებით ამ დაღმართზე ჩასვლა, ამიტომ, თუ გადაუდებელი აუცილებლობა არ არის, ძალიან გთხოვთ, ნუ შეაფერხებთ "გრეიდერს", რომელიც პრაქტიკულად შეუსვენებლივ მოძრაობს", - ამბობს თამარ ბელქანია.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი