სამთვიანი პაუზის შემდეგ ერგნეთში ინციდენტების პრევენციისა და მათზე რეაგირების მექანიზმის ფარგლებში რიგით 123-ე შეხვედრა იმართება.

შეხვედრაზე მხარეები გამყოფ ხაზთან მომხდარ ინციდენტებს განიხილავენ, მათ შორის უკანონო ბორდერიზაციისა და მოქალაქეთა უკანონო დაკავების ფაქტებს.

როგორც სუს-ის ანალიტიკური დეპარტამენტის დირექტორის მოადგილემ, ირაკლი ანთაძემ განაცხადა, 2024 წლის 19 ნოემბრიდან დღემდე ქარელისა და გორის მუნიციპალიტეტებში ე.წ. ბორდერიზაციის 11 ფაქტს ჰქონდა ადგილი, ხოლო ოკუპირებული ცხინვალის დე ფაქტო რეჟიმის უკანონო პატიმრობაში საქართველოს ექვსი მოქალაქე რჩება.

„განვიხილავთ წინა შეხვედრიდან დღემდე საოკუპაციო ხაზთან დაფიქსირებულ ყველა მნიშვნელოვან ინციდენტს. აქცენტი გაკეთდება უკანონო პატიმრიბაში მყოფი საქართველოს მოქალაქეების გათავისუფლების საკითხზე. დღეის მდგომარეობით უკანონო პატიმრობაში რჩება საქართველოს ექვსი მოქალაქე. ასევე საუბარი შეეხება საანგარიშო პერიოდში ე. წ. უკანონო ბორდერიზაციის შემთხვევებს, რომლებიც დაფიქსირდა 19 ნოემბრიდან დღემდე, სულ 11 შემთხვევა. უკანონო ე.წ .ბორდერიზაციის პროცესმა გორისა და ქარელის მუნიციპალიტეტები მოიცვა. აღნიშნული დესტრუქციული ქმედება ძირითად მოიცავს რკინის ღობეებისავდა მავთულხლართების განახლების პროცესს“, – განაცხადა სუს-ის ანალიტიკური დეპარტამენტის დირექტორის მოადგილემ, ირაკლი ანთაძემ.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი