პარასკევს, 3 თებერვალს, ცნობილი ესპანელი წარმოშობის ფრანგი მოდის დიზაინერი პაკო რაბანი 88 წლის ასაკში გარდაიცვალა საფრანგეთში, პორტსალში. - ამის შესახებ Le Monde იუწყება.

მისი გარდაცვალება დაადასტურა ესპანურმა ჯგუფმა Puig-მა, რომელიც აკონტროლებს Paco Rabanne მოდის სახლს და პარფიუმერიის ბიზნესს.

„პაკო რაბანს მოდის სახლს სურს პატივი მიაგოს ჩვენი დიზაინერისა და დამფუძნებლის ხსოვნას, რომელიც დღეს 88 წლის ასაკში გარდაიცვალა“, - ნათქვამია განცხადებაში.

აღნიშნულია, რომ მე-20 საუკუნის ყველაზე გამოჩენილ მოდის ფიგურებს შორის, მისი მემკვიდრეობა შთაგონების მუდმივ წყაროდ დარჩება.

პაკო რაბანი დაიბადა 1934 წლის 18 თებერვალს ესპანეთში ბასკების ქვეყანაში. იგი ცნობილი გახდა მთელ მსოფლიოში 1960-იან წლებში. დიზაინერმა თავისი პირველი კოლექცია 1966 წელს პარიზში წარადგინა. მისი კოსტიუმები ეცვათ კინოვარსკვლავებს, მათ შორის ოდრი ჰეპბერნს და ჯეინ ფონდას.

მან დაიწყო თავისი კარიერა მოდის სამყაროში Givenchy-ს, Dior-ისა და Balenciaga-სთვის სამკაულების დიზაინით. 1966 წელს პაკო რაბანმა დააარსა თავისი მოდის სახლი და წარმოადგინა თავისი პირველი ტანსაცმლის კოლექცია პარიზში. 1969 წელს პაკო რაბანმა წარმოადგინა თავისი პირველი სუნამო "Calandre".

ავტორი: ექსპრესნიუსი,

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს