ლიტერას კონკურსის ჟიურიში მხოლოდ კულტურის სამინისტროს მიერ დანიშნული წევრი დარჩა

2021-07-30 14:30:42, 4162 ნახვა

კულტურა

ლიტერატურული კონკურსი „ლიტერას" მონაწილების შემდეგ ჟიურის ოთხმა წევრმაც დატოვა, რეზო თაბუკაშვილმა, ლელა კოდალაშვილმა და ოქტაი ქაზუმოვმა.,ბელა წიფურიამ. შესაბამისად ჟიურიში მხოლოდ კულტურის სამინისტროს მიერ დანიშნული მეხუხე წევრი იოსებ ჭუმბურიძე დარჩა.

ჟიურის წევრებიდან რეზო თაბუკაშვილმა პირველმა დატოვა პრემია, იგი ამ საკითხს საკუთარ „ფეისბუქ "გვერდზე გამოეხმაურა .

„FB-ში იშვიათად შემოვდივარ ხოლმე და ეხლა ვნახე, რომ პანტიპუნტად ტოვებენ ავტორები ლიტერას კონკურსს, რომლის ჟიურის წევრიც გახლავართ.

მე თვითონ საკმაოდ ბევრჯერ გადავეყარე სხვადასხვა (სულ ორი-სამია) ლიტ.კონკურსს და ხშირ შემთხვევაში კაი სიმყრალის სუნი მიგრძვნია. ფრანქფურტზეც შემიძლია მოგახსენოთ, რომელიც ჩემი და მამაჩემის გარეშე ჩატარდა.

ვთვლი, რომ მეტად აქტიური უნდა იყოს ლიტერატურული (ხაზს ვუსვამ - ლიტერატურული) პროცესი, რომელიც ერთი გაზეთის და ორიოდე ჟურნალის ანაბარა არ უნდა დარჩეს. ასევე, კონკურსების სიმრავლესაც სალამს ვეტყვი.

... პირველად ვიყავი ჟიურიში. ავტორი აღარ დარჩა და ბურთი სათამაშოდ მოედანზე. მათ შეხედულებას პროტესტისას, თავად გაგაცნობენ. ვტოვებ ჟიურის წევრობას და კიდევ ერთხელ ამიცრუვდა ყოველგვარ ლიტ.კონკურსებში მონაწილეობის სურვილი."- წერს მწერალი

მეორე , ვინც ლიტერატურული პრემიის ჟიურის წევრობაზე უარი თქვა მწერალი, კრიტიკოსი ლელა კოდალაშვილი იყო:

„როცა მწერლები ასეთი ტემპით ტოვებენ კონკურსს, ვთვლი, რომ ჟიურის წევრად დარჩენას არანაირი აზრი აღარ აქვს, რადგან დარჩენით უნებურად გავემიჯნები მწერალთა რადიკალურ ნაწილს, რომლის პოზიციას ყველაზე მეტად ვიზიარებ."- განაცხადა კოდალაშვილმა.

ჟიურის წევრობაზე უარი თქვა ოქტაი ქაზუმოვმაც და სოციალურ ქსელშ პოსტი გამოაქვეყნა.

„მწერალთა სახლი საფრთხის ქვეშაა და იმედი მაქვს ყველა მოპროტესტე მის დასაცავად მის კიბეებზე გაათენ-დააღამებს ისეთივე მონდომებით, როგორც ახლა იბრძვის სამართლიანად კულტურისგან ასიათასი მილით შორს მყოფი "მილისტის" წინააღმდეგ. მეც ვტოვებ ჟიურის."- განაცხადა მან

გავრცელებული ინფორმაციით კანდიდატურა მოხსნა ბელა წიფურიამაც.