მერაბ დვალიშვილმა საჩემპიონო ქამარი პირველად დაიცვა. UFC-ის სუპერმსუბუქი წონის ქართველი ჩემპიონი ოქტაგონზე უმარ ნურმაგომედოვს დაუპირისპირდა და 5 რაუნდიდან დაპირისპირებაში მსაჯთა ერთსულოვანი გადაწყვეტილებით დაამარცხა. აღსანიშნავია, რომ ეს ქართველისთვის, კარიერაში პირველი სატიტულო დაცვა იყო.

სპორტული გამოცემა thesportster-ზე დაყრდნობით, დვალიშვილი UFC 311-ზე გამარჯვებისთვის საბაზისო ანაზღაურების სახით 500 000 დოლარს მიიღებს. ასევე, ბონუსის სახით 100 000 დოლარს და pay-per-view ტურნირის შემოსავლიდან, სავარაუდოდ, 1.4 მლნ დოლარის ოდენობით. აღნიშნული გამოცემის მიხედვით, ქართველი მებრძოლის შემოსავალი, სავარაუდოდ $2 მილიონი იქნება.

რაც შეეხება მის კონკურენტ უმარ ნურმაგომედოვს, სავარაუდოდ, მისი გამომუშავებული თანხა, დაახლოებით $400 000 იქნება, ასევე ბონუსის სახით ის $100 000-ს მიიღებს.

აღსანიშნავია, რომ ეს ბრძოლა დანა უაითმა "საღამოს საუკეთესო ბრძოლად" დაასახელა, რის შედეგადაც ორივე მებრძოლი დამატებით ბონუსის სახით 50 ათას დოლარს მიიღებენ.

შეგახსენებთ, რომ UFC-ის წლის პირველი pay-per-view ტურნირი დღეს, 19 იანვარს კალიფორნიის შტატში, ქალაქში ინგლვუდში, Intuit Dome არენაში გაიმართა. მერაბ დვალიშვილი სუპერმსუბუქ წონაში ჩემპიონი 15 სექტემბერს გახდა. UFC 306 მაშინ ქალაქ ლას-ვეგასში გაიმართა და ქართველმა მებრძოლმა ოქტაგონზე მოქმედი ჩემპიონი, შონ ომალი დაამარცხა და საჩემპიონო ქამარი დაისაკუთრა.

ავტორი: ექსპრესნიუსი,

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა