პარლამენტში, შესაძლოა, პროკურატურის წარმომადგენლები დაიბარონ.ფრაქცია "ქართული ოცნების" წევრმა ზაქარია ქუცნაშვილმა იური ვაზაგაშვილის  საქმეზე  დახურული სხდომის ჩატარების საკითხი დააყენა. ქუცნაშვილის თქმით, პროკურატურის წარმომადგენლებისგან  მიმდინარე გამოძიებასთან დაკავშირებით ინფორმაციის მიღება სურს.
"მე ვიცი ზურაბ ვაზაგაშვილის მკვლელობაში  მთავარი მოწმე ვინ არის,  სად იმყოფება და რა ინფორმაციას ფლობს და ვიცი,  რომ  ეს ინფორმაცია მთავარმა პროკურატურამაც იცის. მაინტერესებს, ისე როგორც აინტერესებს საქართველოს მოქალაქეებს, თუ რატომ დასჭირდა 2 წელი და იური ვაზაგაშვილის  მკვლელობა იმისათვის, რომ ზურა ვაზაგაშვილის მკვლელობა მისული იყო გახსნის ეტაპამდე. ვალდებული ვართ, განვახორციელოთ საპარლამენტო კონტროლი. ამიტომ,  მე დღეს დავსვი საკითხი დახურული სხდომის ჩატარებასთან დაკავშირებით",-განაცხადა ზაქარია ქუცნაშვილმა.
ცნობისთვის, იური ვაზაგაშვილი 2 დღის წინ, სოფელ ყარაფილაში საკუთარი შვილის საფლავზე გარდაცვლილი იპოვეს. წინასწარი ინფორმაციით,  ის ააფეთქეს. დამნაშავის გამოსავლენად აქტიური საგამოძიებო მოქმედებები მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ორბანი და უნგრეთის საგარეო საქმეთა მინისტრი სიიარტო არჩევნებში დამარცხების შემდეგ საზოგადოების თვალთახედვიდან გაუჩინარდნენ

ანაპას სანაპიროზე ნავთობის დაღვრის შედეგად 200-ზე მეტი დაშავებული ფრინველი აღმოაჩინეს

სააკაშვილი: ივანიშვილს და ოცნებას მამა გარდაეცვალა ორბანის სახით

პოპის ვარსკვლავი ბრიტნი სპირსი ალკოჰოლიზმთან საბრძოლველად რეაბილიტაციის ცენტრში დაწვა