აჭარის ავტონომიურ რესპუბლიკასა და პოლონეთის ქვემო სილეზიის სავოივოდოს შორის გაფორმებული შეთანხმების საფუძველზე თანამშრომლობის ფორმატი კიდევ უფრო გაიზარდა.

აჭარის მთავრობის პრესსამსახურის ინფორმაციით, თანამშრომლობის ფარგლებში პროექტების განხილვისა და სამომავლო გეგმების შესახებ ქართულ-პოლონურ მხარეებს შორის სამუშაო შეხვედრა სასტუმრო „დივანში" გაიმართა.

მათივე ინფორმაციით, აჭარის მთავრობისა და სილეზიის დელეგაციის წარმომადგენლებმა ორმხრივ ფორმატში განიხილეს სხვადასხვა სფეროს მიხედვით არსებული პროექტები და პროგრამები. თანამშრომლობა მოიცავს განათლებისა და კულტურის მიმართულებით პოლონური გამოცდილების გაზიარებას, კერძოდ, სახელოვნებო განათლების ხელშეწყობის მიზნით გაცვლით პროგრამებს, ადგილობრივი და ქვემო სილეზიის ფოლკლორული ანსამბლების ტურნეს აჭარასა და სილეზიაში, მხატვრებისა და ფოტოხელოვანთა გამოფენას ბათუმსა და ვროცლავში.

ჯანმრთელობისა და სოციალური დაცვის მიმართულებით მედიკოსების კვალიფიკაციის ამაღლების მიზნით ექიმებისა და მედდების გადამზადება დაიგეგმა. განსაკუთრებულ მნიშვნელობას იძენს აჭარისათვის ქვემო სილეზიის გამოცდილების გაზიარება სოფლის მეურნეობის დარგში, რომელიც ერთ-ერთი ყველაზე განვითარებული სფეროა პოლონეთის ამ რეგიონში, შესაბამისად, სოფლის მეურნეობის სპეციალისტების გადამზადება, ისევე როგორც კოოპერატივების განვითარებაზე ორიენტირებული პროგრამების შემუშავება თანამშრომლობის ერთ-ერთ პრიორიტეტულ მიმართულებად დაისახა.

რაც შეეხება ტურიზმის სფეროს, ამ კუთხით თანამშრომლობა ქვემო სილეზიასთან უკვე აქტიურ ფაზაშია: აჭარის ტურიზმისა და კურორტების დეპარტამენტი თებერვლის თვეში მონაწილეობას ღებულობდა ვროცლავის ტურისტულ გამოფენაში, დღეს კი ბათუმის საერთაშორისო ტურისტულ გამოფენაზე „ექსპო-ბათუმი 2016" ქვემო სილეზია სპეციალურ სტენდშია წარმოდგენილი, ასევე, რეგიონში სტუმრად იმყოფება ქვემო სილეზიის წამყვანი მედიასაშუალებების ჟურნალისტები. სარეკლამო-საინფორმაციო ტურები მომავალშიც მოეწყობა, პოლონური მხარე ჩაერთვება ასევე ტურიზმის სექტორის მომსახურების სფეროში გამოცდილების გაზიარებასა და რეკომენდაციების შემუშავებაში.

ქვემო სილეზიის დელეგაცია 16 მაისამდე რჩება რეგიონში. დაგეგმილია კულტურული პროგრამა, ასევე აჭარის ავტონომიური რესპუბლიკის მთავრობის თავმჯდომარისა და ქვემო სილეზიის სავოივოდეს მარშალის ოფიციალური შეხვედრა და ქობულეთის მუნიციპალიტეტსა და პოლონურ ქალაქ მილიჩს შორის დამეგობრება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია