შუახევში ინფრასტრუქტურული ღონისძიებების ფარგლებში, სოფლის ცენტრების კეთილმოწყობითი სამუშაოები აქტიურად მიმდინარეობს. ამის შესახებ ინფორმაციას შუახევის მუნიციპალიტეტის მერია ავრცელებს.

მერიის ცნობით, სამუშაო პროცესს შუახევის მერი ომარ ტაკიძე, საკრებულოს თავმჯდომარე როსტომ ლორთქიფანიძესთან და თვითმმართველობის წარმომადგენლებთან ერთად, სოფელ ნიგაზეულში გაეცნო.

"განახლებული ინფრასტრუქტურით გათვალისწინებულია სოფლის ცენტრის მიმდებარე ტერიტორიის, ფერდსამაგრი კედლების, გარე განათების, ფანჩატურის მოწყობა და ბეტონის  საფარის დაგება. ამ ეტაპზე ფერდსამაგრი კედლის  მოსაპირკეთებელი სამუშაოები მიმდინარეობს.

სამუშაოებს შპს "ბილდინგ რიფიერსი" ახორციელებს, რომლის ბიუჯეტი 281 000 ლარს შეადგენს. მშენებლობაზე დასაქმებულია ადგილობრივი მოსახლეობა.

პროექტი მიზნად ისახავს, სოფლის ცენტრებში ადგილობრივი მოსახლეობისთვის ყველა საჭირო ინფრასტრუქტურის მოწესრიგებასა და ტურისტებისთვის მიმზიდველი გარემოს შექმნას",- ნათქვამია მერიის ინფორმაციაში.

ავტორი: NS (სტატია დაფინანსებულია),

სოციალური ქსელები

ახალგორის რაიონში გახშირდა ჩხრეკები და მობილური ტელეფონების ჩამორთმევის ფაქტები - DRI

PSP-ში K-Beauty გათამაშებაში 1000 პრიზთან ერთად შეგიძლიათ მოიგოთ სამოგზაურო ტური სამხრეთ კორეაში!

პოლიციამ 107 შეკვრად დაფასოებული ნარკოტიკი ამოიღო - დაკავებულია 2 პირი

თბილისში კაცი ცოლის არასრულწლოვან შვილიშვილებს პერიოდულად აუპატიურებდა