რიგასა და სხვა ქალაქებში ხუთშაბათს გაიმართა აქციები ლატვიის მიერ სტამბოლის ევროპული კონვენციიდან გასვლის წინააღმდეგ, რომელიც ქალებს ოჯახში ძალადობისგან იცავს.

„ქალების ცემა ჩვენი ღირებულება არ არის“, - სკანდირებდნენ რიგის ცენტრში, გუმბათის მოედანზე შეკრებილები.

მანამდე, სეიმის (პარლამენტის) წევრებმა ლატვიის კონვენციიდან გასვლას მისცეს ხმა. პარლამენტის კონსერვატიულმა ფრაქციამ კონვენცია გააკრიტიკა ტერმინ „გენდერის“ გამოყენების გამო და ის ქვეყნის ტრადიციულ წარმოდგენებს ეწინააღმდეგებოდა ოჯახის როლების შესახებ.

პარლამენტის გადაწყვეტილებამ საზოგადოების აღშფოთება და პროტესტი გამოიწვია, რის შემდეგაც პრეზიდენტმა ედგარს რინკევიჩმა უარი თქვა სეიმის მიერ დამტკიცებული კონვენციიდან გასვლის შესახებ კანონის ხელმოწერაზე და ხელახლა განსახილველად დააბრუნა. ეს ერთ წელიწადში, საპარლამენტო არჩევნების შემდეგ მოხდება.

პოლიციის შეფასებით, ხუთშაბათს რიგის ცენტრში 10 000 ადამიანი შეიკრიბა, რაც ორჯერ მეტია, ვიდრე 29 ოქტომბრის სეიმის (პარლამენტის) არჩევნების წინა დღეს გამართული აქციის რაოდენობა. ადგილობრივმა მედიამ ორივე აქცია ბოლო წლებში ლატვიაში ერთ-ერთ ყველაზე მასშტაბურ აქციად მოიხსენია.

ავტორი: ექსპრესნიუსი,

სოციალური ქსელები

დიდმა ბრიტანეთმა სანქციები დაუწესა რუსნეფტს, რომელსაც საქართველოში ნავთობი შემოაქვს

ქალთა გაძლიერებაში შეტანილი განსაკუთრებული წვლილისთვის თიბისიმ გაეროს ქალთა ორგანიზაციისგან ჯილდო მიიღო

საქართველოს ბანკის ბიზნესკურსს Canva-ს გამოყენების კურსი დაემატა

ევროკავშირმა რუსეთის „ჩრდილოვანი ფლოტის“ 40-ზე მეტ გემს სანქციები დაუწესა