იტალიის მთავრობამ დაუყოვნებლივ უნდა დაიბაროს საქართველოს ელჩი -წერს იტალიელი სენატორი, მარკო ლომბარდო სოციალურ ქსელში.

ქიმიური იარაღი საქართველოში? [იტალიის] მთავრობამ საქართველოს ელჩი უნდა დაიბაროს.

BBC-ის ჟურნალისტური გამოძიება ადასტურებს, რომ საქართველოში საპროტესტო აქციაზე გამოსული სამოქალაქო მოსახლეობის წინააღმდეგ ქიმიური იარაღი იქნა გამოყენებული.

ერთ წელზე მეტია ვამბობთ, რომ „ქართულმა ოცნებამ“ საქართველოში დაამკვიდრა არალიბერალური რეჟიმი, რომელიც სისტემატურად იყენებს ძალადობასა და პატიმრობას ჟურნალისტებისა და პოლიტიკური ოპონენტების რეპრესიის ინსტრუმენტად.

ამ დარღვევებს ახლა მძიმე ბრალდება ემატება: ქიმიური იარაღის გამოყენება, რაც ადამიანის უფლებების დარღვევაა.

კიდევ რას უნდა ველოდოთ, რომ იტალიის მთავრობამ დაიკავოს პოზიცია მმართველი პარტიის წინააღმდეგ და დაიცვას ქართველი ხალხი?

იტალიის მთავრობამ დაუყოვნებლივ უნდა დაიბაროს საქართველოს ელჩი და მოსთხოვოს, წარმოადგინოს ყოველგვარი საჭირო განმარტება საქართველოში ადამიანის უფლებების მასობრივი დარღვევის შესახებ არსებულ ვითარებაზე.

დღესდღეობით იყო ქართველი, ნიშნავს თავისუფლებისა და კანონის უზენაესობის ევროპული ღირებულებების დაცვას.

ჩვენ ვართ საქართველო. ჩვენ ვართ ევროპა. - წერს მარკო ლომბარდო.

ავტორი: ექსპრესნიუსი,

სოციალური ქსელები

დეველოპერული კომპანია „ზიგმა“ ახალ სამშენებლო პროექტს ახორციელებს - მხარდამჭერი საქართველოს ბანკია

ოცნების პარლამენტი სასურსათო პროდუქტებზე ფასების ფორმირების შესასწავლად სპეციალურ კომისიას შექმნის

დეკანოიძე - ქართულ გაჩუმებულ ბიზნესს ამის შემდეგ პოლიცია შეუვარდება მაღაზიებში და ფასების რეგულაციას მოსთხოვს

რომან გოცირიძის შეფასებით ოცნების მთავრობა სავაჭრო ქსელების წინააღმდეგ რეპრესიებს იწყებს