ისრაელის წინააღმდეგ ქმედებებისთვის ამერიკის შეერთებულმა შტატებმა სისხლის სამართლის საერთაშორისო სასამართლოს (ICC) ორი მოსამართლე დაასანქცირა, მათ შორის ქართველი - გოჩა ლორთქიფანიძე და ერდენებალსურენ დამდინი, მონღოლეთიდან. 

აშშ-ის სახელმწიფო მდივნის მარკო რუბიოს მიერ გამოქვეყნებული განცხადების თანახმად, დასანქცირებულმა მოსამართლეებმა - "პირდაპირ მიიღეს მონაწილეობა ICC-ის მცდელობებში, რომლებიც ისრაელის მოქალაქეების გამოძიებას, დაკავებას, დევნას ან გასამართლებას ეხებოდა ისრაელის თანხმობის გარეშე".

ამასთან, მარკო რუბიო წერს, რომ დასანქცირებულმა მოსამართლეებმა მხარი დაუჭირეს სასამართლოს გადაწყვეტილებას, რომელმაც 15 დეკემბერს ისრაელის აპელაციოა უარყო, კერძოდ, 15 დეკემბერს - ICC-ის სააპელაციო პალატამ არ დააკმაყოფილა ისრაელის საჩივარი, რომელიც ამბობდა, რომ 2023 წლის ოქტომბრის შემდეგ ღაზაში ჩადენილ ომის დანაშაულებთან დაკავშირებული გამოძიება უკანონო იყო.

აშშ, რომელიც ისრაელის მოკავშირეა და მხარს უჭერს მის გენოციდურ ომს ღაზაში, მათ შორის, ქვეყნისთვის მილიარდობით დოლარის სამედრო და ეკონომიკური დახმარების მიწოდებით, აცხადებს, რომ ICC აგრძელებს "პოლიტიზებულ ქმედებებს, რომელიც მიზანში იღებს ისრაელს", რაც აშშ-ის შეფასებით, "სახიფათო პრეცედენტს ქმნის ყველა ქვეყნისთვის".

შეგახსენებთ, რომ მოსამართლე გოჩა ლორთქიფანიძე ჰააგის სისხლის სამართლის საერთაშორისო სასამართლოს უმაღლესი სტრუქტურული ერთეულის - სააპელაციო პალატის პრეზიდენტად 2024 წელს აირჩიეს. 

ავტორი: ექსპრესნიუსი,

სოციალური ქსელები

დონალდ ტრამპის მონაწილეობით გაუპატიურების ბრალდებები პედოფილ ჯეფრი ეპშტეინის ფაილებში აღმოჩნდა

Bloomberg: რუსეთი მოითხოვს ცვლილებებს უკრაინისა და შეერთებული შტატების მიერ შეთანხმებულ „სამშვიდობო გეგმაში“.

ამ კვირაში დრონებმა კრასნოდარის მხარეში მეორე საზღვაო პორტს შეუტიეს

სიტუაცია კრიტიკულზე უარესია -რუსი სამხედრო კორესპონდენტები იუწყებიან, რომ უკრაინის შეიარაღებულმა ძალებმა თითქმის განდევნეს რუსული არმია კუპიანსკიდან