„გამოძიება იყო გამჭირვალე და ხელისუფლება ახლაც ღიაა ითანამშრომლოს რელევანტურ საერთაშორისო ინსტიტუტებთან, თუ რაიმე ინტერესი არსებობს. რაც შეეხება საგამოძიებო კომისიის საკითხს,  თქვენი უფლებაა  ეს საკითხი სხდომაზე დააყენოთ, კენჭისყრა ჩატარდება  და პარლამენტი გადაწყვეტს ამ საკითხს", -  მიმართა ივანიშვილის პარლამენტის თავმჯდომარემ შალვა პაპუაშვილმა ბიუროს სხდომაზე ფრაქცია „საქართველოსთვის" თავმჯდომარეს შალვა კერესელიძეს.

ბიუროს სხდომაზე წარდგენილი იყო ფრაქცია „საქართველოსთვის" მიერ ინიციირებული დადგენილების პროექტი „2024 წლის ნოემბერ-დეკემბერში საქართველოში შეკრებებისა და მანიფეტაციების დროს სამართალდამცავი ორგანოების თანამდებობის პირთა/თანამშრომელთა მხრიდან შეკრებების შეწყვეტისა და სპეციალური საშუალებების გამოყენების კანონიერების შემსწავლელი საქართველოს პარლამენტის დროებითი საგამოძიებო კომისიის შექმნის შესახებ".

პარლამენტის თავმჯდომარემ შალვა კერესელიძეს მოუწოდა, ფრაქციის სახელით ილაპარაკონ და საზოგადოებას არ ამოეფარონ.
„საზოგადოების სახელით ნუ საუბრობთ, ისაუბრეთ თქვენი სახელით. საზოგადოებას ნუ ეფარებით. შეგახსენებთ, რომ შარშან, საპარლამენტო არჩევნებში თქვენმა პარტიამ  160 000 ხმა მიიღო, ანუ 7,5 პროცენტი. წელს ადგილობრივი თვითმმართველობის არჩევნებში კი, 50 000 ხმა მიიღეთ - მესამედი იმ ხმებისა, რაც მანამდე გქონდათ მიღებული.  ასე რომ, საზოგადოების სახელით საუბარი არ არის საჭირო. თქვენ ხართ ფრაქცია, ხართ სუბიექტი, ვისაც საგამოძიებო კომისიის შექმნის საკითხის დაყენება შეუძლია.
რაც შეეხება ნდობა-არნდობის საკითხს, გამოძიება ძალიან სწრაფად და გამჭვირვალედ ჩატარდა და შესაბამისი შედეგები გასაჯაროვდა. ბევრი ადამიანი გამოიკითხა და ეს შედეგები დაიდო. უკვე  აღარავის ეპარება ეჭვი „ბიბისის" მთავარ ცილისმწამებლური სიუჟეტის თაობაზე. მთავარი იყო გამოეტანათ ჰედლაინი, შინაარსში კი არავინ შესულა. ვითომ საქართველოში პირველი მსოფლიო ომის დროინდელი ქიმიური იარაღი გამოიყენეს, თითქოს საქართველო ყოფილიყო ან პირველი მსოფლიო ომის წამომწყები ან დიდი მონაწილე, ან თითქოს პირველი ქიმიური იარაღი ჩვენი გამოგონილი ყოფილიყო და ჩვენ გამოგვეყენებინოს პირველ მსოფლიო ომში და არა იმ ქვეყანას, რომელსაც ზოგიერთი წარმოადგენს.  ეს ცილისწამება მხილებულია, ვინაიდან არავის, მათ შორის მათაც, ვინც ეს ეჭვები გამოხატა, არ აქვთ მტკიცებულება.
პრემიერ-მინისტრმა განაცხადა, რომ რელევანტურ საერთაშორისო ინსტიტუციებს კითხვები თუ ექნებათ, ხელისუფლება მზად არის, რომ  ყველა შესაბამისი ინფორმაცია მიაწოდოს", - აღნიშნა შალვა პაპუაშვილმა.

ავტორი: ექსპრესნიუსი,

სოციალური ქსელები

კობახიძე - სადისტრიბუციო კომპანიებისა და მარკეტების მაღალი ფასნამატი, რომელიც საქართველოს საზღვრიდან დახლამდე საშუალოდ 86%-ს შეადგენს

აშშ-მ ვენესუელას მახლობლად ელიტური სპეციალური დანიშნულების რაზმები და თვითმფრინავები განალაგა - WSJ

ჩინეთმა და ინდოეთმა რუსული ნავთობით დატვირთულ 20 ტანკერს პორტებში შესვლა აუკრძალეს

აშშ-ის იუსტიციის დეპარტამენტმა გამოაქვეყნა ინფორმაცია ტრამპის კერძო თვითმფრინავით პედოფილ ეპშტეინთან და ქალებთან ერთად ფრენების შესახებ