უკრაინის დახმარების მექანიზმის ფარგლებში ქვეყანა ევროკავშირისგან 2.3 მილიარდი ევროს ოდენობის მეექვსე ტრანშს მიიღებს. 

"ეს დაფინანსება, ძირითადად, მიზნად ისახავს უკრაინის მაკროფინანსური სტაბილურობის გაძლიერებას და მისი საჯარო ადმინისტრაციის ფუნქციონირების მხარდაჭერას. უკრაინის დახმარების ფონდის ფარგლებში გადახდები მჭიდრო კავშირშია უკრაინის გეგმასთან, რომელიც ასახავს უკრაინის აღდგენის, რეკონსტრუქციისა და მოდერნიზაციის სტრატეგიას, ასევე განსაზღვრავს ქვეყნის ევროკავშირში გაწევრიანების მიზნებთან შესაბამისობაში მყოფი რეფორმების განხორციელების გრაფიკს მომდევნო წლებში", - ნათქვამია ევროკავშირის საბჭოს განცხადებაში.

წინა გადახდა 2025 წლის 5 ნოემბერს განხორციელდა.

"თანხების ეს სწრაფი და თანმიმდევრული მიწოდება ასახავს უკრაინის სისწრაფეს და ერთგულებას, განახორციელოს რეფორმები, რომლებიც შეესაბამება ქვეყნის ევროკავშირში გაწევრიანების მიზნებს", - წერია განცხადებაში.

უკრაინის დახმარების მექანიზმი, რომელიც ძალაში 2024 წლის 1 მარტს შევიდა, ითვალისწინებს 50 მილიარდ ევრომდე სტაბილურ დაფინანსებას გრანტებისა და სესხების სახით, უკრაინის აღდგენის, რეკონსტრუქციისა და მოდერნიზაციის მხარდასაჭერად 2024 წლიდან 2027 წლამდე პერიოდში.

ავტორი: ექსპრესნიუსი,

სოციალური ქსელები

მიხაილო პოდოლიაკი: დიდი ბრიტანეთი, საფრანგეთი, გერმანია და თურქეთი მზად არიან უკრაინაში სამშვიდობოები გაგზავნონ

აზერბაიჯანის, ყაზახეთის, რუსეთისა და ICAO-ს ერთობლივი დასკვნა: AZAL-ის თვითმფრინავი ჩამოაგდეს

ისრაელის მოქალაქეს საქართველოში 3 080 აბი „პრეგაბალინი“ შემოქონდა, იგი დაკავებულია

ზელენსკი: უკრაინა დათანხმდა ტრამპთან უახლოეს მომავალში შეხვედრას