თურქეთში აშოტ კურაპალატის საფლავი აღმოაჩინეს. არქეოლოგებმა, არტანუჯში, გევერნიკის ციხეში, ეკლესიის აფსიდის ქვეშ, თაღოვან სამარხს მიაკვლიეს, რომელიც ქართველი მეფის აშოტ პირველის დაკარგული საფლავია. თუმცა ძვლის ფრაგმენტები შიგნით არ აღმოჩნდა.

თურქი მეცნიერები აცხადებენ, რომ ამ აღმოჩენით არქეოლოგიურად დადასტურდა ისტორიული წყაროები, რომ აშოტ კურაპალატი არტანუჯში იყო დასაფლავებული. გათხრებს ვანის უნივერსიტეტის მეცნიერთა ჯგუფი თურქეთის კულტურისა და ტურიზმის სამინისტროს ზედამხედველობით აწარმოებდა. სამარხის სიგრძე ორი მეტრია, სიგანე კი მეტრი და 80 სანტიმეტრი. ის გადახურულია თაღოვანი ქვით და ზუსტად ეკლესიის აფსიდის ქვეშ მდებარეობს. სამარხთან ერთად არქეოლოგებმა ციხე სიმაგრის ტერიტორიაზე აღმოაჩინეს სამზარეულო, ცისტერნები, კერამიკული ფრაგმენტები და ბიზანტიური მონეტები.

"ამ საფლავს როგორც ქართველი მეცნიერები, ასევე ჩვენც ვეძებდით.  მისი ზედა ნაწილი დაფარული იყო აკლდამით. მაგრამ სამწუხაროდ, როდესაც აკლდამა გავთხარეთ, ვერ აღმოვაჩინეთ ვერც ნეშტი და ვერც ძვლის ფრაგმენტები. "- აცხადებს არქეოლოგთა ჯგუფის წარმომადგენელი.

ავტორი: ექსპრესნიუსი,

სოციალური ქსელები

პუტინმა პირადად აირჩია უიტკოფი შეერთებული შტატებიდან მთავარ მომლაპარაკებლად - The Wall Street Journal

პოლიციამ თბილისსა და რეგიონებში უკანონო ცეცხლსასროლი იარაღები ამოიღო - დაკავებულია 6 პირი

22 დეკემბრიდან შსს საშუალო სიჩქარის დიფერენცირებული კონტროლის მონაკვეთებში 80 კმ/სთ სიჩქარის გადაჭარბების დარღვევების ადმინისტრირებას იწყებს

ტულსი გაბარდი - სიმართლე ის არის, რომ აშშ-ის დაზვერვა თვლის, რომ რუსეთს არც კი აქვს უკრაინის დაპყრობისა და ოკუპაციის შესაძლებლობა