შინაგან საქმეთა სამინისტროს არქივის, ჩოხატაურის მუნიციპალიტეტისა და მედიასახლ -„გურია NEWS“-ის ურთიერთთანამშრომლობის ფარგლებში, საქართველოს გასაბჭოების დღესთან დაკავშირებით, ჩოხატაურში, კინოთეატრ „გურიაში“ გაიმართა ღონისძიება - „აღადგინე ისტორია არქივთან ერთად“.

ღონისძიებას ესწრებოდნენ: შინაგან საქმეთა სამინისტროს აკადემიის რექტორი ნუკრი გელაშვილი, შსს-ს არქივის დირექტორი ომარ თუშურაშვილი, გურიის სამხარეო მთავარი სამმართველოს უფროსი გიორგი მდინარაძე, საქართველოს ეროვნული უშიშროების საბჭოს მდივნის მოადგილე თეონა აქუბარდია, ლანჩხუთის, ოზურგეთისა და ჩოხატაურის მუნიციპალიტეტების ხელმძღვანელები, არასამთავრობო სექტორის წარმომადგენლები, ადგილობრივი სკოლების პედაგოგები, მოსწავლეები და ჟურნალისტები.

აღსანიშნავია, რომ დამსწრეებს შსს-ს არქივის წარმომადგენლებმა შინაგან საქმეთა სამინისტროს მიერ მომზადებული მხატვრულ-დოკუმენტური ფილმი - „ვინ მოკლა ილია...“ წარუდგინეს, რომლის ჩვენებაც საქართველოს სხვადასხვა რეგიონში პერმანენტულად მიმდინარეობს.

ასევე გაიმართა შინაგან საქმეთა სამინისტროს არქივის მიერ საარქივო დოკუმენტებზე დაყრდნობით მომზადებული წიგნის - „არქივის კვალდაკვალ - ჩოხატაური“ პრეზენტაცია. კრებულში აღწერილია საქართველოს იძულებითი გასაბჭოების შემდგომი პერიოდი: თუ როგორ მზადდებოდა 1924 წლის აჯანყება, როგორ ებრძოდა საბჭოთა ხელისუფლება ეკლესიებს და რა მეთოდებით აწარმოებდა ანტირელიგიურ კამპანიას. წიგნში აგრეთვე წარმოდგენილია დახვრეტილთა სიები, „სამეულთა“ სხდომების ოქმები და გურულ რევოლუციონერთა მოგონებები. აღსანიშნავია, რომ საზოგადოების სამსჯავროზე პირველად იყო გამოტანილი ქართველი ბოლშევიკის, საქართველოს კომუნისტური პარტიის ცენტრალური კომიტეტის მდივნის, მიხეილ კახიანის მოხსენება გურულების განათლებულობასა და პოლიტიკურ აქტივობაზე.

ამას გარდა, ღონისძიებაზე წარმოდგენილი იყო საარქივო დოკუმენტების საფუძველზე მომზადებული თემატური ბანერების ექსპოზიცია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გიორგი და დავით მიქაძეებს, ასევე გიორგი ჯოხაძეს ბიზნესმენ ლევან ჯანგველაძის შეკვეთით მკვლელობისთვის უვადო პატიმრობა მიესაჯათ

ანტისემიტური და ნაცისტური განცხადებების მიუხედავად, Kanye West საქართველოში ჩამოდის - მსოფლიოში კი მისი კონცერტები უქმდება

შსს: საბაჟოზე 103 კგ-მდე მეტამფეტამინი ამოიღეს, ღირებულება შავ ბაზარზე ₾30 მლნ-მდეა

რუსეთში ტურისტული სააგენტოების მასობრივი დახურვა დაიწყო