ზუგდიდის მუნიციპალიტეტის ჯანდაცვის ბიუჯეტი გასულ წელთან შედარებით 250 ათასი ლარით გაიზარდა და ის მიმდინარე წელს 400 ათას ლარს შეადგენს. 
როგორც „ექსპრესნიუსს“ ზუგდიდის მუნიციპალიტეტის გამგეობიდან აცნობეს, 2016 წლისათვის ზუგდიდის მუნიციპალიტეტის ტერიტორიაზე რეგისტრირებული (ადგილობრივი და დევნილი) პირთა სამედიცინო მომსახურეობა და ძვირადღირებული მედიკამენტებით დაფინანსების პროგრამის დებულებაში ცვლილებები შევიდა.

მათივე ინფორმაციით, ცვლილებების მიხედვით 0–18 წლამდე ბენეფიციარები მათთვის საჭირო სამედიცინო მომსახურეობაზე 100 % დაფინანსებას მიიღებენ, წლიური გეგმისშესაბამისად კი გათვალისწინებულია თვეში 15–მდე თერაპიული სეანსის მიღება სრული დაფინანსებით. 
აქვე ამოქმედდა ფენილკეტონურიის და ცელიაკიით დაავადებული 0–18 წლამდე ასაკის ბავშვების სპეციალიზებული საკვებით უზრუნველყოფის პროგრამა, რომლის თვიური ლიმიტი ერთ ბენეფიციარზე 500 ლარის ოდენობით განისაზღვრა.
დაუნის სინდრომით დაავადებულ 18 წლამდე ბავშვთა სარეაბილიტაციო მკურნალობა ერჯერადად 500 ლარის ოდენობით დაფინანსდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთის ფედერაციამ სუმის ოლქი დაბომბა: 5 დაღუპული, 11 დაჭრილი

სიბიგა - შევთანხმდით ორმხრივ ინტერესზე უკრაინა-საქართველოს ურთიერთობების ნორმალიზების კუთხით

CNN-ის დამფუძნებელი ტედ ტერნერი 87 წლის ასაკში გარდაიცვალა

რუსეთის ქალაქ რჟევში სახლებიდან, რომელსაც დრონები მოხვდა 350 ადამიანი ევაკუირებული იქნა