საქართველოს შინაგან საქმეთა მინისტრის, გიორგი მღებრიშვილის განცხადებით, უწყებაში საკადრო ცვლილებები იგეგმება, თუმცა, სამსახურს არავინ დაკარგავს. 

მისივე თქმით, ის ადამიანები, რომლებიც უწყებიდან გასაშვები იყვნენ, ვახტანგ გომელაურმა დაითხოვა. 

რაც შეეხება მოადგილეების შერჩევის კრიტერიუმებს, როგორც მღებრიშვილმა აღნიშნა, ისინი თავისი პროფესიონალიზმიდან გამომდინარე დაინიშნენ, პირველი მოადგილის ვინაობა კი უახლოეს დღეებში გახდება ცნობილი.

„კრიტერიუმები მხოლოდ და მხოლოდ ერთია, ეს არის პროფესიონალიზმი, თავისი საქმისადმი ერთგულება და ქვეყნის სიყვარული. ჯერჯერობით პირველი მოადგილის ადგილი ვაკანტურია, მის ვინაობას უახლოეს დღეებში გაიგებთ. საკადრო ცვლილებებს რაც შეეხება, მოხდება გარკვეული გადაადგილებები, მაგრამ მინდა დავაზუსტო, რომ სამსახურიდან არავის დათხოვნას არ ვაპირებ. ჩემი წინამორბედი ბატონი ვახტანგი ჩემი მეგობარია, ერთი გუნდის წევრები ვართ, ერთნაირად ვაფასებთ მოვლენებს, ერთი ხედვა გვაქვს და მგონი რადიკალურად არ განსხვავდება. თუკი ვინმე გასაშვები იყო, ბატონმა ვახტანგმა ამაზე უკვე იზრუნა“, - განაცხადა გიორგი მღებრიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„გახარია საქართველოსთვის“ მოსკოვსა და ცხინვალს შორის „შეთანხმების“ წინააღმდეგ რეზოლუციის ინიციატივით გამოდის

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება