2020-03-16 12:57:40, 2015 ნახვა

---

დაავადებათა კონტროლის იმერეთის სამმართველოს უფროსი - დილით საირმეს საკარანტინე სივრცეში 9 ადამიანი შეიყვანეს

დღეს დილით საირმეს საკარანტინო სივრცეში 9 ადამიანი შეიყვანეს. პაციენტები ჩამოფრინდნენ ბრიუსელის რეისით.

გარდა ამისა, საჩხერის საკარანტინე სივრცე 11 პაციენტმა დატოვა. ისინი თვითიზოლაციაში გადავლენ.

„საჩხერის საკარანტინე სივრცეში გვყავს 29 ბენეფიციარი, 11 დატოვა დღეს დილით საკარანტინე სივრცე და ეს გადაწყვეტილება მირებულია, რა თქმა უნდა, თვითიზოლაციაზე გადაყვანასთან დაკავშირებით“, - ამის შესახებ დაავადებათა კონტროლის იმერეთის სამმართველოს უფროსმა გოჩა გიორგაძემ განაცხადა.

მანვე აღნიშნა, რომ წყალტუბოს სანატორიუმში ჯამში განთავსებულია 103 პაციენტი.

„წყალტუბოშია, როგორც მოგეხსენებათ, სანატორიუმში განთავსებული და დილის მონაცემებით, იქ გვყავს 103 ბენეფიციარი. გუშნ საღამოს დაიტვირთა ასევე კურორტ საირმეს საკარანტინე სივრცე, სადაც მოხდა განთავსება ღამით 35 ბენეფიციარის, რომელიც ღამით საფრანგეთის რეისით ჩამოფრინდა საქართველოში. ხოლო სადღაც დილის საათებში, კიდევ შევიდა ბრიუსელის რეისით 9 ბენეფიციარი. აჟამად იქ იმყოფება 44 ადამიანი“, - განაცხადა გოჩა გიორგაძემ.

 

 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი