2020-03-11 13:13:31, 11075 ნახვა
ომი უკრაინაში
ისრაელში ჩასული ნებისმიერი მოქალაქე ორკვირიან კარანტინში მოთავსდება
ამიერიდან ისრაელში ჩასული ნებისმიერი მოქალაქე ორკვირიან კარანტინში მოთავსდება.
ამის შესახებ ისრაელის ჯანდაცვის სამინისტროს განცხადებაშია ნათქვამი.
როგორც განცხადებაშია აღნიშნული, უცხო ქვეყნის მოქალაქეები ისრაელში მხოლოდ იმ შემთხვევაში დაიშვებიან, თუ ორკვირიანი თვითიზოლაციის საშუალება აქვთ, წინააღმდეგ შემთხვევაში, ისინი ისრაელის საზღვარს ვერ გადაკვეთენ.
აღნიშნულმა გადაწყვეტილებამ თელ–ავივის აეროპორტის მგზავრნაკადი 70%–ით შეამცირა. დროებით დაიხურა აეროპორტის 4–დან 2 ტერმინალი.
შეგახსენებთ, რომ ისრაელში კორონავირუსის 76 შემთხვევა გამოვლინდა, 3 პაციენტი უკვე გამოჯანმრთელდა.
ავტორი: ექსპრესნიუსი,
epn.ge (@expressnews.ge)
