მსოფლიო ბაზარი 2008 წლის ფინანსური კრიზის შემდეგ, ყველაზე ცუდ მდგომარეობაში აღმოჩნდება. აღნიშნული უკავშირდება კორონავირუსის მსოფლიო მასშტაბით გავრცელებას.

მედია უკვე ალაპარაკდა იმაზე, რომ ყველაზე მეტად კორონავირუსი ჩინეთს დააზარალებს. მკვლევართა თქმით, ჩინეთში ტურისტული ნაკადი იმდენად შემცირდება, რომ ტურისტული ინდუსტრიის „გამოჯანმრთელება“ მთელი წლის განმავლობაში შეიძლება ვერ მოხერხდეს.

აღსანიშნავია ისიც, რომ ბოლო წლების განმავლობაში ჩინელი ტურისტების რაოდენობა მკვეთრად გაიზარდა. 180 მილიონზე მეტ ჩინეთის მოქალაქეს კი, აქვს სხვადასხვა ქვეყნის პასპორტი. ჩინელები საზღვარგარეთ მოგზაურობისას საკმაოდ დიდ თანხას ხარჯავენ. შესაბამისად, ჩინელი ტურისტების შემცირება სხვა ქვეყნის ეკონომიკასაც დააზარალებს.

ტურისტული კომპანიები 2020 წელს ჩინელი ტურისტების ნაკადის შემცირებას პროგნოზირებენ. ისინი აღნიშნავენ, რომ ტურისტთა შემცირება ამ თვის ბოლოს უკვე შეინისნება.

კომპანიები ვარაუდობენ, რომ თუ კორონავირუსი უფრო მეტხანს გაგრძელდება, ვიდრე 2003 წლის SARS კრიზისი იყო, შეიძლება წელს ჩინელ მოგზაურთა 25 მილიონით ნაკლები გამგზავრება გამოიწვიოს, რაც ქვეყნებს მსოფლიო მასშტაბით, მილიონობით დოლარით აზარალებს.

როგორც საერთაშორისო ორგანიზაციები ვარაუდობენ, ყველაზე მძიმე დარტყმა იაპონიასა და ტაილანდს მიადგება. იაპონიამ ტურიზმის შემოსავალიდან,  შეიძლება 1,29 მილიარდი დაკარგოს, შემდეგი კი იქნება ტაილანდი, 1,15 მილიარდი დოლარით.

ავტორი: ექსპრესნიუსი,

სოციალური ქსელები

კობახიძე: ზვიად ხარაზიშვილს ეკუთვნოდა ღირსების ორდენი, დაგვიცვა გადატრიალების მცდელობისგან

კობახიძე: დახვეწილი ხელწერაა, როცა ხელისუფლებას აქვს ჯანსაღი რეაქცია სამართალდარღვევაზე

ევროკავშირი უკრაინას თითქმის 2.8 მილიარდ ევროს გამოუყოფს

შს მინისტრის მოადგილე გორში პოლიციელების მხრიდან მოქალაქის ცემას სამწუხარო ფაქტს უწოდებს