New York Times ავრცელებს ვიდეოს, რომელშიც, როგორც გამოცემა ირწმუნება ასახულია კადრები, თუ როგორ ხვდება უკრაინულ თვითმფრინავს ირანული რაკეტა.

გამოცემის ცნობით, ვიდეო გადაღებულია თეირანთან ახლოს, სადაც უკრაინულმა ავიალაინერმა ჩამოვარდნამდე სიგნალის მიწოდება შეწყვიტა. ვიდეოში ჩანს, რომ შეჯახების შემდეგ მოხდა მცირე აფეთქება, თუმცა თვითმფრინავი რამდენიმე წუთის განმავლობაში განაგრძობდა ფრენას.

საერთაშორისო მედიამ დაუდასტურებელი ინფორმაცია გუშინ გაავრცელა, სადაც აღნიშნულია, რომ ირანმა შეცდომით ჩამოაგდო უკრაინული თვითმფრინავი.

შეგხსენებთ, რომ უკრაინის საერთაშორისო ავიახაზების კუთვნილი ბოინგ 737-ის ტიპის თვითმფრინავი, რეისს კიევის მიმართულებით ასრულებდა. თვითმფრინავი აფრენიდან ორ წუთში ჩამოვარდა, რის შემდეგაც მას ცეცხლი გაუჩნდა. ბორტზე მყოფი ყველა ადამიანი დაიღუპა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ევროკავშირი უკრაინას თითქმის 2.8 მილიარდ ევროს გამოუყოფს

შს მინისტრის მოადგილე გორში პოლიციელების მხრიდან მოქალაქის ცემას სამწუხარო ფაქტს უწოდებს

ლავროვი საქართველოსა და მოლდოვიდან რუსული ჯარების გაყვანაზე კალასის განცხადებაზე: იდიოტურ განცხადებებს არ განვიხილავ

კალასი: ევროკავშირის უსაფრთხოების ინტერესებში საქართველოდან რუსული ჯარების გაყვანაც შედის